(කාංචන කුමාර ආරියදාස)

දඹුල්ල ඉනාමළුව සුවිසල් වෙළඳසැලක ගංජා මිශ්‍ර මත්කුඩු අලෙවි කරන බවට ලැබුණු තොරතුරක් මත  එය පරීක්ෂා කිරීමට ගිය අවස්ථාවේදී 19 දින පස්වරුවේ ව්‍යාපාරිකයා විසින් පොලිසියේ පස්දෙනෙකුට මිරිස් කුඩු  ප්‍රරහාරයක් එල්ල කර  පොලිසිය පැමිණි යතුරුපැදි දෙකකට අලාභහානි කොට පොලිස් නිලධාරීන්ට පහරදී මෝටර් රථයකින් පලාගිය බව දඹුල්ල පොලිසිය කියයි.

දඹුල්ල සහකාර පොලිස් අධිකාරී වරයා යටතේ ක්‍රියාත්මක වන දඹුල්ල දිස්ත්‍රික් වැටලීම් ඒකකයේ නිලධාරීන් පස්දෙනෙකු මෙම වැටලීම සඳහා සහභාගී වී තිබේ.

වෙස්වලාගත් පොලිස් නිලධාරීන් ව්‍යාපාරිකයාගෙන් මුදල් ලබාදී මත් ගුලි දෙකක් ලබාගනීද්දී   පොලිසියෙන් බව පවසා ඔහු අත්අඩංගුවට ගැනීමට සූදානම් වන අවස්ථාවේදී     වැටලීමට එක් වූ පොලිස් නිලධාරීන් පස් දෙනෙකුට සිය වෙළඳසලේ තිබුණු මිරිස් කුඩු වලින් හිස් ලූ ලූ අත පහර දුන් බව පොලීසිය කියයි.

 
පසුව වෙළඳසැලේ තිබුණු උදලු මිටවල් උපයෝගී කරගෙන මෙම පුද්ගලයා පොලිස් නිලධාරීන්ට පහරදී එම ස්ථානයේ පොලීසිය යතුරුපැදි දෙකකටද අලාභහානි සිදු කරමින් සිය බිරිඳකගේ ද සහාය ඇතිව මෝටර් රථයක නැගී එම ස්ථානයෙන් පළා ගිය බව පොලිසිය කියයි.
 
මෙම පලාගිය පුද්ගලයා ගේ මෝටර් රථයේ බොහෝවිට වෙනත් විස මත්ද්‍රව්‍ය තොගයක් තියෙන්නට ඇතැයි පොලිසිය විශ්වාස කරන අතර ඔහු අත්අඩංගුවට ගැනීම සඳහා මේ වන විට සීගිරිය පොලිසියේ කණ්ඩායමක් පරීක්ෂණ ආරම්භ කොට  තිබෙන බව පොලිසිය කියයි .