(නිමල් ජයරත්න)

බී ලුණු අස් වැන්නට සාධාරණ මිලක් ඉල්ලා ඇලහැර, බකමූණ ලොකු ලුනු ගොවීහු පිරිසක්  බකමූණ නගරයේදී අද විරෝධතාවයක නිරත වූහ.

ලොකු ලූනු කිලෝවක නිෂ්පාදන මිල රුපියල් 110 - 120 ත් අතර මිලක් වැය වුව ද මේ වනවිට ලොකු ලූනු කිලෝවක් තොග වෙලදුන් ලබා ගන්නේ රුපියල් 110 ක් වැනි මිලකට බවද ගොවීහු චෝදනා කළහ.

බකමූණ ඇලහැර ප්‍රාදේශීය සභාව අසළින් විරෝධතාව ආරම්භ කළ ගොවීන් දඹුල්ල - මහියංගන ප්‍රධාන මාර්ගයට පැමිණ ද පැය කිහිපයක් විරෝධතාවයේ නිරත වූහ.

විරෝධතාව පවතින කාලය තුළ ලොකු ලූනු ගොවීන් කිහිප දෙනකු ඇලහැර ප්‍රාදේශීය සභාවේ සභාපතිවරයා සහ පොලොන්නරුව දිස්ත්‍රික් පාර්ලිමේන්තු මන්ත්‍රී සුනිල් රත්නසිරි මහතා සමඟ සාකච්ඡාවක නිරත වු අතර එයද අසාර්ථක වූ බව ගොවීහු සඳහන් කළහ.