(සනත් ගමගේ)

හුංගම කහඳමෝදර කලපු මෝයේ ගිලී රුසියන් ජාතිකයකු මිය ගොස් ඇති බව හුංගම පොලීසිය කියයි.

කලපු මෝය ආසන්න වෙරළේ ගමන් කරමින් සිටි රුසියන් ජාතික තිදෙනෙකුගෙන් එක් අයකු කලපු මෝයට බැස ගමන් කිරීමට යෑමෙන් දියේ ගිලී මෙම අනතුරට පත් වූ බව හෝටල් සේවකයෙක් කීය.

මෙසේ දියේ ගිලී මිය ගොස් ඇත්තේ රුසියන් ජාතික සර්පිනන් පෙඩ්සි නැමැති 44 හැවිරිදි පුද්ගලයකු බව පොලිසිය කියයි.

මෙම මිය ගිය රුසියන් ජාතික පුද්ගලයා සිය සහෝදරයා සමඟ වසර දහයකට වැඩි කාලයක් කහඳමෝදර ප්‍රදේශයේ ජීවත්ව ඇති බවත්,  සහෝදරයා සහ තවත් හිතවත් රුසියන් ජාතික කාන්තාවක් සමඟ වෙරලේ ඇවිදිමින් සිටින මෙම අනතුර සිදුව ඇතැයි පොලීසිය කියයි.

සිද්ධිය ඇසින් දුටු හෝටල් සේවක ඉමාෂි සලිඳු මහතා කියා සිටියේ මෙම තුන්දෙනා වෙරලේ ඇවිදින්න ගියා මමත් ගියා මිය ගිය පෙවිඩ් මහත්තයා මෝදරට බැස්ස ඒත් අනික් දෙදෙනා එපා කිව්වා. මමත් එපා කියද්දී බැස්සා. මෝදර මහුදුට වැටෙන තැන ගැඹුරුයි.