රඳවාගැනීමේ බද්ද ඉහළ දැමීමෙන් ආණ්ඩුව අතෘප්තියකට පත්වෙලා

(යොහාන් භාසුර)

රනිල් වික්‍රමසිංහ ආණ්ඩු සමයේ සියයට 5 ක්ව පැවැති රඳවා ගැනීමේ බද්ද වර්තමාන ජනාධිපති අනුර දිසානායක සියයට 10 ක් දක්වා ඉහළ දැමීම පිළිබඳව සමාජය තුළ විශාල අතෘප්තියක් ඇති බවත් බැංකු පොලියෙන් ජීවත් වන වැඩිහිටියන් ආණ්ඩුවේ බදු සෙල්ලම නිසා ජීවත් වෙන්න බැරි තත්වයකට පත්ව ඇති බවත් ජනඅරගල සන්ධානයේ ජාතික විධායක සභික, පෙරටුගාමී සමාජවාදී පක්ෂයේ ප්‍රචාරක ලේකම් දුමින්ද නාගමුව මහතා පැවසීය.

නුගේගොඩදී අද (5) පැවැති විශේෂ මාධ්‍ය හමුවේදී දුමින්ද නාගමුව මහතා එසේ පැවසීය.

විශ්‍රාමික වැඩිහිටියන් විශ්‍රාම ගොස් වැටුප බැංකුවේ තැන්පත් කර ලැබෙන පොලියෙන් ජීවත් වන බවත් මෙම රැඳවා තබාගැනීමේ බද්ද ළමා ඉතුරුම් ගිණුම්වලට පවා අදාල වන බවත් නාගමුව මහතා කීය.

මව්පියෝ දුක් විඳලා ළමයන්ගේ බැංකු පොතේ කීයක් හරි දැමිම ඒකෙනුත් කොටසක් බදු විදිහට පැහැර ගැනීම සාධාරණ නොවන බවත් රනිල් ගහපු සියයට 5 ක රඳවා තබාගැනීමේ බද්ද ඉවත් කරන්නේ යැයි ජාතික ජන බලවේග ආණ්ඩුවේ ප්‍රතිපත්ති ප්‍රකාශනේ සඳහන් වූ බවත් ඔහු වැඩි දුරටත් සඳහන් කළේය.

අදහස් (7)

රඳවාගැනීමේ බද්ද ඉහළ දැමීමෙන් ආණ්ඩුව අතෘප්තියකට පත්වෙලා

Lalla Sunday, 05 January 2025 08:03 PM

සීයට පහ කමක් නෑ. ඒත් දහය හෙනගහන අපරාධයක්. නිකමුන්ට කන්න දෙන්න වැඩ කළ සහ ඉතිරි කරන ජනයාගේ ජීවනෝපාය උදුරා ගැනීම...

: 4 87

SanathMonday, 06 January 2025 11:43 AM

තමන්ගේ මාසික ආදායම ලක්‍ෂ 1.5 කට අඩු නම් ඕනෑම කෙනෙකුට මේ බද්ද ඉවත් කරවා ගන්න පුළුවන්...

: 48 6

SanathMonday, 06 January 2025 12:18 PM

තමන් ගේ මාසික ආදායම ලක්‍ෂ එකහමාරකට වඩා අඩුනම් ඕනෑම කෙනෙකුට මේ බද්ද ඉවත් කරවා ගන්න පුළුවන්.

: 45 6

ජෙප්පා Sunday, 05 January 2025 09:25 PM

රඳවා තබා ගැනීමේ බද්ද අය වෙන්නේ මාසික ආදායම ලක්ශ 1.5ට වඩා වැඩි නම් විතරයි කියලා කිව්වේ. තමන්ගේ ආදායම ඊට වඩා අඩුනම් ආදායම් බදු දෙපාර්තමේන්තුවට කියලා ඒක ඉවත් කරවා ගන්න පුළුවන් කියලා තමයි කිව්වේ...!

: 38 2

dammasiri Monday, 06 January 2025 06:54 AM

මේ මිනිස්සු ජනතාව මුලා කරනවා. 10% බද්ද අය කරන්නේ මාසෙට රු.150000/= පොලියක් ගන්න අයගෙන් පමණක් බවයි. ජනාධිපතිතුමා කිව්වේ. ඒක අසාධාරණ නෑ. මේ අය අඟවන්නේ සියළුම ගිණුම් වලින් මේ බද්ද අයකරන බවටයි.

: 46 25

prasanna Monday, 06 January 2025 11:15 AM

ඔය ඔක්කොම යාළුවොනේ මල්ලි... දැන් බයිලා ගහනවා.

: 3 13

[email protected] Tuesday, 07 January 2025 10:05 AM

කෝ මුන් දැන් පාරේ දගලනවා පෙන්නන්නේම නැත . කලින් පඩයක් ගියත් පාරට බසින කට්ටිය.

: 0 0