(යොහාන් භාසුර)

රටතුළ නිර්මාණය කරන ගැටුම් හේතුවෙන් ජනතාව තව දුරටත් දුක් විඳිය යුතු නැති බවත් රට තුළ සංහිඳියාව ඇති කරන්න රජය කැපවී සිටින බවත් අග්‍රාමාත්‍ය ආචාර්ය හරිනි අමරසූරිය මෙනෙවිය පැවසුවාය.

යාපනය, වේලෙනෙයි, නීර්වේලි, වඩමරාච්චි යන ප්‍රදේශවල පැවති ජනහමු අමතමින් අග්‍රාමාත්‍යවරිය එසේ සඳහන් කළාය.

උතුරු පළාතේ යටිතල පහසුකම් සංවර්ධනයේ ගැටළු ගණනාවක් තිබෙන අතර මාර්ග, ජලය, කෘෂිකර්මය, විරැකියාව වගේම අධ්‍යාපනය, සෙඛ්‍ය ඇතුළු සෑම අංශයකම ගැටළු පවතින බවත් මේ අතරින් බොහොමයක් ගැටළු ප්‍රදේශය නියෝජනය කරන ප්‍රාදේශිය සභා, පළාත්සභා විසින් කළ යුුතු සංවර්ධන වැඩ නමුත් ඒක නිසි ආකාරය සිද්ධ වී නොමැති බවත් ඇය පැවසුවාය.

උතුරු නැගෙනහිර ගැටළු ඇති වුයේ යුද්ධය නිසා යැයි කීවද යුද්ධය අවසන් වී වසර 16ක් ගත වුවද කිසිදු වෙනසක් වී නොමැති බවද අග්‍රාමාත්‍යවරිය වැඩිදුරටත් සඳහන් කළාය.

ධීවර අමාත්‍ය රාමලිංගම් චන්ද්‍රසේකර් මහතා ඇතුළු පාර්ලිමේන්තු මන්ත්‍රීවරුන්, ප්‍රාදේශිය නියෝජිතයන් ඇතුළු උතුරේ විශාල පිරිසක් මෙම හමුවලට පැමීණ සිටියහ.