(විමුක්ති එස් රුද්‍රිගු)

රුසියාවේ සරටොව් නගරයේ තට්ටු 38 කින් යුත් මහල් නිවාස ගොඩනැගිල්ලකට හානි කරමින් යුක්රේන හමුදා එල්ල කළ ඩ්‍රෝන ප්‍රහාරයට පිළිතුරු ලෙස මිසයිල 200 ක් සහ ඩ්‍රෝන යොදා ගනිමින් යුක්රේනයේ බලශක්ති මධ්‍යස්ථාන වෙත දරුණු ප්‍රහාරයක් එල්ල කර ඇතැයි විදෙස් මාධ්‍ය වාර්තා කළේය.

එම ඩ්‍රෝන ප්‍රහාරයෙන් පසුව රුසියානු බෝම්බ හෙළීමේ ගුවන් යානාද රුසියාව ගුවන් හමුදාව ගුවන් ගත කර ඇති බවත් ප්‍රහාරයෙන් යුක්රේන ජාතිකයන් පස් දෙනකු මියගොස් ඇති බවත් විදෙස් මාධ්‍ය සඳහන් කළේය.

රුසියාවේ සරටොව් නගරයට ප්‍රහාර එල්ල කිරීමට පැමිණි ඩ්‍රෝන යානයක් එම නගරයේ තට්ටු 38 කින් යුත් මහල් නිවාස සංකීර්ණයකට කඩා වැටීම හේතුවෙන් කාන්තාවක් සහ තවත් පුද්ගලයන් තිදෙනකු තුවාල ලැබුවේය.

සරටොව් නගරයේ මහල් නිවාස වෙත ප්‍රහාර එල්ල කිරීමට පැමිණි ඩ්‍රෝන යානයකට ගුවන් ආරක්ෂණ පද්ධතිය ක්‍රියාත්මකවී පහර දීමත් සමඟ එම යානයේ සුන්බුන් මෙලෙස තට්ටු 38 කින් යුත් මහල් නිවාසයට කඩා වැටුණේය.

ඉන් තුවාල ලැබූ තිදෙනෙකුට එම ස්ථානයේම ප්‍රතිකාර කළත් කාන්තාවගේ තත්වය බරපතළ බව රුසියනු බලධාරීහු ප්‍රකාශ කළහ.