(තරංග ගුණරත්න)

මිදිගම ප්‍රදේශයේ ව්‍යාපාරිකයකු ඇතුළු හත්දෙනකු ඝාතනය කිරිම සදහා සැලසුම් කරමින් සිටි සිද්ධිය සම්බන්ධ පලාගිය තවත් සැකකරුවකු  අත්අඩංගුවට ගත් බව වැලිගම පොලිසිය පවසයි .

මෙම සැකකරු මිදිගම ප්‍රදේශයේ පදිංචි වයස 38 පමන වන අයකු බව සදහන් වේ.

මිදිගම ප්‍රදේශයේ ව්‍යාපාරිකයකු ඇතුළු හත් දෙනකු ඝාතනය කිරීම සදහා එම වෙඩික්කරුවන්ට නවාතැන් පහසුකමි ලබාදි තිබු පුද්ගලයා බවට හඳුනාගෙන තිබේ.

ව්‍යාපාරිකයා ඇතුළු පවුලේ සාමාජිකයන් ඝාතනය කිරීමට සැලසුම් කරමින් තිබියදී එ පිළිබඳ ලද තොරතුරක් මත බස්නාහිර උතුර අපරාධ කොට්ඨාශයේ අධ්‍යක්ෂක සහකාර පොලිස් අධිකාරි රෝහාන් ඕලුගල මහතා ඇතුළු නිලධාරී කණ්ඩායමක් මිදිගම ප්‍රදේශයේ නිවසක් පරීක්ෂාවට ලක්කොට තිබිණි.

එහිදි ටි 56 ගිනි අවියක් සමග යුද හමුදාවේ හිටපු සෙබෙළකු අත් අඩංගුවට ගෙන තිබිණි. එම අවස්ථාවේදි සැකකරුවන් දෙදෙනකු පලා ගොස් තිබූ අතර එ අනුව සිදු කළ විමර්ශන මත අපරාධකරුවන්ට නවාතැන් දුන් බව කියන නිවසේ හිමිකරු වැලිගම ඉබ්බාවල ප්‍රදේශයේදී අත්අඩංගුවට ගැනීමට වැලිගම පොලිසියේ වැඩබලන ස්ථානාපති එම් ,පි,ජි. නන්දසිරි මහතා ඇතුලු නිලධාරී කණ්ඩායමක් සමත්ව තිබේ .

එහිදි සැකකරු සන්තකයේ තිබි රිවොල්වර වර්ගයේ ගිනි අවියක් , එම ෙ උණ්ඩ හයක් (6 ) අත්බෝම්බයක් (01 ) ටි 56 වර්ගයේ ගිනි අවියක මැගසින් එකක් (01 ) සහ එම උණ්ඩ 14 සොයාගත් බව පොලිසිය පවසයි .