(බුද්ධික කුමාරසිරි සහ බිමල් ශ්‍යාමන් ජයසිංහ)

මාලබේ පිට්ටුගල කහන්තොට පාර ෆැන්ටසි ඇවනිව් හි දෙමහල් නිවසක ශීතාගාර තුල පවත්වාගෙන ගිය ‘කුෂ් ‘ නැමැති මත්ද්‍රව්‍ය නිශ්පාදනාගාරයක් වටලා පුද්ගලයින්  දෙදෙනෙකු අත් අඩංගුවට ගත් බව බස්නාහිර දකුණ අපරාධ කොට්ඨාසයට අනුයුක්ත අංක 11 කණ්ඩායම පවසයි.

අදාල නිවසෙහි පහත මාලයේ කාමරයක් වායුසමීකරණය කර එහි තට්ටු කිහිපයකට රෝපණය කර තිබූ කුෂ් පැල හැටකට ආසන්න ප්‍රමාණයක් සහ එම නිවසේ ඉහල මාලයේ ශීතාගාරයක් තුල පවත්වාගෙන ගිය තවත් කුෂ් පැල සියයකට වැඩි ප්‍රමාණයක් සොයා ගත් බව ද එම ඒකකය පවසයි. මේ වන විට කුෂ් නමැති මත්ද්‍රව්‍ය ග්‍රෑම් 01 ක් රුපියල් හාරදහස් පන්සියයක පමණ මිලකට අලෙවි වේ.