(රන්ජන් කටුගම්පොළ සහ විමුක්ති එස් රුද්‍රිගු)

තමන් විසින් අධ්‍යාපන පොදු සහතික පත්‍ර උසස් පෙළ විභාගය පැවැත්වෙන කාලයේ විදුලිය කප්පාදු නොකරන ලෙසට කළ විධිවිධාන කඩ කිරීමෙන් ලංකා විදුලිබල මණ්ඩලය ඇතුළු පාර්ශ්වකරුවන් අධිකරණයට අපහාසයක් සිදු කරන ලදැයි මානව හිමිකම් කොමිසම ගොනුකර ඇති පෙත්සම විභාගයට ගැනීම ශ්‍රේෂ්ඨාධිකරණය ප්‍රතික්ෂේප කළේය.

ඒ පෙත්සම ගාස්තු රහිතව නිෂ්ප්‍රභ කෙරිණ.

මෙම නියෝගය ප්‍රකාශයට පත් කළේ ගාමිණී අමරසේකර, කුමුදුනී වික්‍රමසිංහ සහ ශිරාස් ගුණරත්න යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ පෙත්සම විභාගයට ගත් අවස්ථාවේදීය.