(ෂේන් සෙනෙවිරත්න සහ යොහාන් භාසුර)

මත්ද්‍රව්‍ය පාවිච්චි කරනවා කියන එක බෞද්ධ හා පාලි විශ්ව විද්‍යාලයේ පමණක් නොව පාසල්වලත් අද වන විට සිදු වෙන බවබෞද්ධ හා පාලි විශ්ව විශ්වවිද්‍යාලයේ උප කුලපති මහාචාර්ය නෙලුවේ සුමනවංශ හිමියෝ පැවැසූහ.

මෙයින් පිළිබිඹු වන්නේ මුළු සමාජයම පරිහානියට පත් වී තිබෙන බව යැයිද අප ප්‍රයත්නයන් දරන්නේ මේ සමාජය යහපත් පංචශීල ප්‍රතිපදාව අනුගමනය කරන සමාජයක් බිහි කිරීමට බව ද  උප කුලපති මහාචාර්ය නෙලුවේ සුමනවංශ හිමියෝ පැවසීය .

විශ්වවිද්‍යාලය තුළ විනය කඩකළ ශිෂ්‍යයන්ට එරෙහිව ගත යුතු විනයානුකූල පියවර අප ගන්නවා . මේ වන විටත් ශිෂ්‍යයන් 30 කගේ පන්ති තාවකාලිකව තහනම් කොට තිබෙනවා .

ශ්‍රී ලංකා බෞද්ධ හා පාලි විශ්ව විද්‍යාලයේ ඉදිරි කටයුතු සිදු කරන ආකාරය සම්බන්ධයෙන් මහනාහිමිවරුන්ගෙන් කරුණු දැන ගැනීමටයි අප අද මෙහි පැමිණියේ .

අප මේ ආකාරයට මහනාහිමිවරුන් සිවු නම හමුවි අවශ්‍ය උපදෙස් ලබාගෙන ඉතා ඉක්මනින් විශ්වවිද්‍යාලය ආරම්භ කරන්න කියලයි මහනාහිමිවරුන් අපට උපදෙස් දුන්නේ .