2025 නොවැම්බර් මස 10 වන සඳුදා
(කැළුම් බණ්ඩාර ඩේලි මිරර්)
ඇමෙරිකාවේ "අන්‍යෝන්‍ය බදු" ක්‍රමය යටතේ පසුගිය අප්‍රේල් 2 වැනිදා මෙරටට පැනවීමට යෝජනා කළ සියයට 44 ක තීරු බද්ද අඩුකර ගැනීම සඳහා කළ සාකච්ඡාවලදී ශ්රී ලංකාව චීනය සමග කරන වෙළෙඳ කටයුතු යම්යම් සීමා කිරීම්වලට යටත් කිරීමට පියවර ගන්නා ලෙස ඇමෙරිකා බලධාරීන් යෝජනා කර ඇතත් මෙරට මධ්‍යස්ථ විදේශ ප්‍රතිපත්තිය හේතුවෙන් ශ්රී ලංකා බලධාරීන් එම යෝජනා ප්‍රතික්ෂේප කර ඇතැයි ආරංචි මාර්ග ප්‍රකාශ කළේය.
"අන්‍යෝන්‍ය බදු" ක්‍රමය ක්‍රියාත්මක කිරීමට ලබා දුන් දින 90 ක සහන කාලය අවසානයේදී විශාලතම බදු අඩුකිරීම් ලබාගත් රටවල් අතරට ශ්රී ලංකාව ද අයත් වන අතර එහිදී සියයට 44 ක තීරු බද්ද සියයට 30 දක්වා අඩු කර ගැනීමට මෙරටට හැකියාව ලැබිණි.
සියයට 14 ක ප්‍රතිශතයකින් තීරුබදු අඩු කිරීමේ දැනුම් දීම ඇමෙරිකානු ජනාධිපති ඩොනල්ඩ් ට්‍රම්ප් ලිපියක් මාර්ගයෙන් නිල වශයෙන් ජනාධිපති අනුර කුමාර දිසානායක මහතාට පසුගියදා දැනුම් දුන්නේය.
බංග්ලාදේශය, ලාඕසය, මියන්මාරය සහ කාම්බෝජය වැනි තරගකාරී රටවලට පනවා තිබෙන තීරුබදු ප්‍රතිශතවලට වඩා මෙරටට පනවා ඇති තීරු බදු ප්‍රතිශතය අඩු මට්ටමක පැවැතීම හේතුවෙන් ලබාගත් ප්‍රගතිය සම්බන්ධයෙන් ශ්රී ලංකාව සතුටු වුවත් වියට්නාමය වැනි රටවලට පනවා ඇති තීරු බද්ද අප රටට වඩා අඩුවීම හේතුවෙන් යම් කැළඹීමක් ද හටගෙන ඇත.
ශ්රී ලංකාව සහ ඇමෙරිකාව අතර වෙළෙඳාමේ දී තිබෙන අසමානතා ජනපති ට්‍රම්ප් එම ලිපිය මගින් පෙන්වා දී තිබූ අතර ශ්රී ලංකාවේ බදු, බදු නොවන ප්‍රතිපත්ති සහ වෙළෙඳ බාධක හේතුවෙන් වෙළෙඳාමේ දී දෙරට අතර "අන්‍යෝන්‍ය" සබඳතාවක් නොමැති බව ද පෙන්වා දී තිබිණි.
එය ඇමෙරිකාවේ ආර්ථිකයට මෙන්ම ජාතික ආරක්ෂාවට තර්ජනයක් හඳුන්වා දී තිබූ අතර වෙළෙඳ හිඟය ආමන්ත්‍රණය කිරීමට සියයට 30ක තීරු බද්ද අත්‍යවශ්‍ය බව එම ලිපියේ සඳහන් විණි.
එළැඹෙන 1 වැනිදා සිට ඇමෙරිකාව ශ්රී ලංකාවෙන් ආනයනය කරනු ලබන සියලුම භාණ්ඩ සඳහා සියයට 30 තීරු බද්දක් අය කරන බවත් එම බද්ද අය කරන්නේ අනෙකුත් බදුවලට අමතරව බවත් එම ලිපියේ දැක්වේ.
2025 නොවැම්බර් මස 04
459
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2210
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1661
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
බදු අඩුකර ගන්න ගියාම දිරච්ච ලණුවක් දීලා
යෝගා Sunday, 13 July 2025 10:41 PM
ඔය කරගෙන තියෙන්නේ ලෙසටම. ජේවීපි ගංකබර තියරියෙන් ජාත්‍යන්තරය එක්ක ගනුදෙනු කරන්න බැරි බව ආණ්ඩුව තේරුම් ගන්නකොට රටට වෙන්න ඕනෑ විනාශය වෙලා ඉවරයි. අනුර ෆේල්...
Nandalal DE SILVA - France Sunday, 13 July 2025 11:28 PM
අමෙරිකාව මේවා ගැන ඇස් ඇරගෙන බලා සිටිනවා . මෙතරම් ණය කන්දක් වෙනුවෙන් වාරික ගෙවීමට තිබෙන ශ්රී ලංකාව වැනි රටකට තීරු බදු සහන දීමට තරම් ට්‍රම්ප් මෝඩ නැත . අපි ඔහුගේ හැමදේම සාමාන්‍යනීය කරන්නෙත් නැහැ. චීන ණය දීලා හොද්ද බොර කරගත්තා. රාජපක්ෂලා ඒකෙනුත් ඇති වෙන්න මඩි තර කර ගත් බව කියන්න ඕනද? ට්‍රම්ප් මෙම දඬුවම දුන්නේ, AKD රජයට නොවෙයි... අපේ මුළු රටටම බව දැන් පැහැදිලි නැද්ද ???
ගුණරත්න Monday, 14 July 2025 08:40 AM
චීනේ අපේ බඩු ගන්නේ සියයට 2ක් වගේ සුළු ප්‍රමාණයක්. නමුත් එක්සත් ජනපදය ගන්නවා ඒ වගේ දොළොස් ගුණයක බඩු. ඉතින් කවුද අපට වඩාත් වැදගත් ව්‍යාපාරික මිත්‍රයා?
Rama Monday, 14 July 2025 08:58 AM
ඉන්දියාවට 20%යි. අඩුකළ ප්‍රතිශතය නෙවෙයි මෙතන අන්තිමට බලපාන්නේ. අපිට ගෙවන්න වෙන ප්‍රතිශතය දිහායි බලන්න ඕන. ඉතින් අපේ 30% කොහොමද හොඳයි කියන්නේ. රජය ප්‍රශ්නය මග හරින්නයි හදන්නේ.
Rata Perata Monday, 14 July 2025 12:04 PM
රට රටවල් අතර අනෝන්‍ය බදු ගැන මොන මගුලක්වත් දන්නේ නැති අපෝ රට රටට අඩුයි නේ කියලා අදහස් දානවා රටක් තව රටක් සමඟ කරන ගනුදෙනු වල වෙළඳ ශිර්ෂයටත් මේවාට බලපානවා.
Lal Silva Tuesday, 15 July 2025 07:56 PM
ඉංග්‍රීසි පමණක් නොව ගණනුත් ෆේල්!! වැඩිපුම තීරුබදු දැමූ රටවලින් එකක් ලංකාව! එතකොට සාමාන්‍ය අගයකට අඩු කරන විට ලොකු අඩුකිරීම ක් ලැබුනා! හැබැයි චීන ගිවිසුම් සමග හා රුසියානු තෙල් මිලදී ගැනීම නිසා, 30% අඩු නොව වැඩි වෙන්න පුළුවන්!