(ශාන්ත ප්‍රදීප් කුමාර කුලරත්න සහ සුසිල් ප්‍රියන්ත)

බඩුමිල වැඩිවීම,ගෑස් අර්බුදය හා ඉන්ධන මිල වැඩි වීම,ඇතුළු කරුණු කිහිපයකට එරෙහිව රටේ විවිධ ස්ථානවල අදත් විරෝධතා සංවිධානය කර තිබුණි.

කොළඹ රත්නපුර හයිලෙවල් මාර්ගයේ එක් මංතීරුවක් හරස් කොට කොට්ටාව නගර මධ්‍යයේදී උද්ඝෝෂණයක් සංවිධානය කර තිබුණි.

මේ හේතුවෙන් කොළඹ සිට රත්නපුර දෙසට ගමන් ගන්නා මංතීරුවේ දැඩි වාහන තදබදයක් පැවැතිණි.

වත්මන් රජය බලයට පත්වන විට ජනතාවට දුන් පොරොන්දු මේ වන විට කිසිවක් ඉටුකර ගැනීමට නොහැකිව බරපතළ ආර්ථික අවපාතයකට රට මුහුණ දී ඇති බවයි .

ජනතාව හුළු අතු හා විරෝධතාපුවරු අතැතිව එම පිිරිස විරෝධතාවයේ නිතර වූහ.

මේ අතර වතුගෙදර ප්‍රදේශයේ ජනතාව බකට් පහන් විරෝධයක් දැක්වුහ. 

ඉහල යන බඩු මිල හමුවේ තමන්ට ජීවත්වීමට ඉතා අපහසු බවත් මේ සම්බන්ධයෙන් අදාළ බලධාරීන්ගේ අවධානය යොමු කළ යුතු බව උද්ඝෝෂකයෝ කීහ.

වතුගෙදර පැවැති විරෝධතාව (සුසිල් ප්‍රියන්ත)