(අංජුල මහික වීරරත්න)
කතරගම ඇසළ උත්සවය සඳහා උතුරු නැගෙනහිර සිට පාද යාත්රාවෙන් පැමිණෙන බැතිමතුන්ට ආරක්ෂාව හා ජල සම්පාදනය ඇතුළු යටිතල පහසුකම් සැපයීමට ජනාධිපති රනිල් වික්රමසිංහ මහතාගේ උපදෙස් පරිදි රුපියල් මිලියන 2.04ක මුදලක් වෙන් කර ඇත.
පාද යාත්රාවෙන් පැමිණෙන බැතිමතුන් මුහුණපාන දුෂ්කරතා පිළිබඳව මොණරාගල දිස්ත්රික් ලේකම් ගුණදාස සමරසිංහ මහතා ජනාධිපතිවරයා දැනුවත් කිරීමෙන් පසු ඊට අදාළ පහසුකම් සලසන ලෙස උපදෙස් ලබා දී තිබේ.
ඒ අනුව අදාළ පහසුකම් සැපයීම ජනාධිපති ලේකම් කාර්යාලය යටතේ සිදු කරනු ලබයි.
වාර්ෂිකව ඇසළ උත්සවය නිමිත්තෙන් බැතිමතුන් තිස්දාහකට අධික පිරිසක් ඔකඳ සිට පා ගමනින් කිලෝමීටර් 90කට වැඩි දුරක් ගෙවා කතරගම පූජා භූමිය වෙත පැමිණීම අතීතයේ සිට පැවත එන්නකි. එම ගමනේදී ඔවුන් විවිධ දුෂ්කරතාවන්ට මුහුණ දෙන අතර ඇතැම්විට වන සතුන්ගෙන් වන ආපදාවලට ද මුහුණ දී තිබේ.
මේ පිළිබඳ අවධානය යොමු කරමින් එම බැතිමතුන්ගේ ආරක්ෂාව සහ පහසුකම් සැපයීම වෙනුවෙන් කටයුතු කරන ලෙස ජනාධිපතිවරයා අදාළ පාර්ශ්වයන්ට උපදෙස් දී ඇත.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
පාද යාත්රාවෙන් කතරගම එන බැතිමතුන්ගේ රැකවරණෙට මුදල් වෙන් කරයි
අප්පුහාමි Saturday, 06 August 2022 08:42 AM
අපි රාජකාරි කල කාලයේ වගේ දිසාපති කෙනෙක් ඉන්නවා කියලා අහන්න ලැබීම සතුටක්.
සනත් Saturday, 06 August 2022 11:12 AM
පාද යාත්රාවෙන් කතරගම පුදබිමට වාර්ෂිකව පැමිණෙන මෙම පිරිස් කඳ සුරිඳු කෙරෙහි අපමණ භක්තියකින් දේවාශිර්වාදය ලබාගැනීම සඳහා පේවී පැමිණෙන බව රහසක් නොවේ යැයි සිතමි. පැමිණෙන ගමනේ දී අනේකවිධ දුෂ්කරතාවලට මුහුණ පෑමට සිදුවන බවද ඔවුහු දැනසිටිති. එවන් අපමන දුෂ්කරතා මැද පැමිනෙන මේ ගමනේ නියම දේවාශිර්වාදය ඇත්තේද ඔවුන්ට පමණක් බවද විශ්වාස කෙරේ. එසේ නම් මෙම භක්තිවන්ත පිරිසට සැපයිය යුතු වන්නේ කුමක්දැයි සිතා බැලීම වටිනා දෙයකි. ඔවුන්ගේ අරමුණට බාධාවක් නොවන සේවාවක් හෝ පහසුකමක් ලබාදීම සිදුවිය යුතුවේ.
kamal Saturday, 06 August 2022 12:05 PM
ජනවරමක් නැති ජනාධිපතිට යන්න පාද යාත්රා දෙන්න දෙයියන්ටවත් බැරිවෙනවා.