(නිමල කොඩිතුවක්කු)

ඩීසල් මිල ඉහල දැමීමට සමගාමීව පාසල් වෑන් රථ ගාස්තු රුපියල් 2000ත් 2500ත් අතර අගයකින් ඉහළ දැමීමට සිදුවන බව සමස්ථ ලංකා පාසල් ළමුන් ප්‍රවාහන සංගමයේ ප්‍රධාන ලේකම් ලලිත් චන්ද්‍රසිරි මහතා ප්‍රකාශ කළේය.

දෙමව්පියන්ට අසාධාරණයක් නොවන අයුරින් පාසල් වෑන් රථ ගාස්තු අයකිරීමට පියවර ගන්නා ලෙස සියලුම  පාසල් ළමුන් ප්‍රවාහන රථ වලින් ඉල්ලා සිටින බවත් ඔහු ප්‍රකාශ කලේය.

අසාදාරණ ලෙස ගාස්තු අය කරන පාසල් වෑන් රථ ප්‍රතික්ෂේප කිරීමට පියවර ගන්නැයි දෙමව්පියන්ගෙන් ඉල්ලීමක් කරන බවත් ඔහු කීවේය.

මේ අතර රටේ පවතින ගැටුම්කාරී තත්වය සැලකිල්ලට ගනිමින් හෙට(21) දිනයේ පාසල් ළමුන් ප්‍රවාහන කටයුතු වල නිරත වන ලෙස ඉල්ලා සිටින බවත් ඔහු පැවසීය.

පවතින තත්වය සැලකිල්ලට ගනිමින් සියලුම පාසල් වෑන් රථ අද දිනයේ ධාවනයෙන් ඉවත්වීමට පියවර ගත් බවත් චන්ද්‍රසිරි මහතා පැවසීය.

පාසල් වෑන් රථ ධාවනය සඳහා අවශ්‍ය ආරක්ෂාව සලසා දෙන්නේනම් සියලුම පාසල් වෑන් රථ හෙට(21) දිනයේ සිට ධාවනයට පියවර ගන්නා බවත් ඔහු තවදුරටත් කීවේය.