චාරිත්‍රාණුකූලව පැවති බැහුම් ලිහීමේ මංගල්‍ය අනතුරුව කතරගම දේවාලයේ දෙවියන් ඇතුළු දේවාභරණ වඩම්මන වාසනා හස්ථි සම්ප්‍රදායාණුකූලව කිරිවෙහෙර රජමහා විහාරාධිපති රුහුණු මාගම් පත්තුවේ ප්‍රධාන සංඝනායක කොබවක ධම්මින්ද නා හිමියන් බැහැ දැකීමෙන් අනතුරුව වාසනා හස්ථියා කිරිවෙහෙර සෑ රදුන් වැද ආශිර්වාද ලබා ගත්තේය.

මද ගතිය නිසා (මද කිපීම) වාසනා හස්ථියා මාස තුන හාමාරකට ආසන්න කාලයක් වෙන්ව තබා ඇතාට අවශ්‍ය කටයුතු සිදු සිදු කළේය.

මද ගතිය අවසන් වීමෙන් පසු චාරිත්‍රානුකූළව ඇතා තබා සිටි ස්ථානයෙන් මහාසංඝ රත්නයේ ආශිර්වාද මධ්‍යෙය් වාසනා පිටතට ගත්තේය.

ඒ අනුව මේ වන විට වාසනා හස්ථියා මෙවර කතරගම ඇසල පෙරහැර මංගල්‍යයේ දෙවියන් වැඩමවීමේ කටයුත්තට සහභාගී වීමට සූදානම් කරමින් ,ඊට මත්තෙන්  දුටුගැමුණු රජ කාලේ පටන් පැවත එන සිරිත් පරිදි ඇතා නහවා පිරිසිදු කිරීමෙන් පසු පළමුවෙන්ම කිරිවෙහෙර නා හිමියන් බැහැ දැක කිරිවෙහෙර සෑ රදුන් වැද ආශිර්වාද ලබා ගැනීම චාරිත්‍රාණුකූලව සිදුකළ බව පවසයි.

කිරිවෙහෙර වැදපුදාගත් වාසනා හස්ථියා කිරිවෙහෙර අෂ්ඨඵලරුහ බෝධීන් වහන්සේ හා පුරාණ කිරි විහාරය වැද අනතුරුව කතරගම දෙවියන් වෙත පූජා වට්ටියක් තබා බාරහාර ඔප්පු කිරීමද මෙහිදී සිදු කළේය.