නායකත්ව හා පෞරුෂ සංවර්ධන පුහුණු වැඩසටහනක්, කොළඹ නාලන්දා විද්‍යාලයේදී පසුගියදා පැවැත්විණි. ඒ, පාසල් ශිෂ්‍ය නායක ආදි ශිෂ්‍ය සංගමයේ අනුග්‍රහයෙනි.

විද්‍යාලීය පරිශ්‍රයේ නේවාසික පුහුණු වැඩසටහනක් ලෙස මෙම නායකත්ව හා පෞරුෂ සංවර්ධන පුහුණු වැඩසටහන පැවැත්වූයේ පසුගිය සැප්තැම්බර් 30 වැනිදා සිට ඔක්තෝබර් පළමු වැනිදා දක්වාය.

ශිෂ්‍ය නායකයකුගේ භූමිකාවේ වැදගත්කම පෙන්වා දෙමින්, දරුවන් තුළ කායික මෙන්ම මානසික ප්‍රබෝධයක් ද වර්ධනය කිරීමේ අරමුණින්, පුහුණු වැඩසටහන ආරම්භ වූයේ විදුහල්පති තිලක් වත්තුහේවා මහතාගේ උපදෙස් යටතේය.

පසුගිය දෙවසරක කාලයේ ‘කොවිඩ් 19’ වසංගතයෙන් හේතුවෙන් දරුවන්ගේ අධ්‍යාපන කටයුතුවලට බාධා එල්ල වුණු බවත්, පාසල් ශිෂ්‍ය නායකයන් වෙනුවෙන් මෙවැනි පුහුණු වැඩසටහනක් ආරම්භ කිරීමට එය ප්‍රධාන හේතුවක් වූ බවත්, විදුහල්පතිතුමා පුහුණු වැඩසටහන ආරම්භ කරමින් එම වැඩසටහනේ අරමුණ සහ ඉලක්කය පැහැදිලි කළේය.