(හිරාන් ප්‍රියංකර ජයසිංහ)

පුත්තලම ප්‍රදේශයේ දාන ගෙදරකට සහභාගි වී ආපසු සිදූව දක්වා ගමන් කරමින් තිබු ත්‍රි රෝද රථයක් මාරවිල දී ලොරි රථයක ගැටි සිදුවු අනතුරකින් 34 හැවිරිදි පුද්ගලකු මරණයට පත්ව කුඩා දරුවන් දෙදෙනෙකු ඇතුළු සිව්දෙනෙකු බරපතල තුවාල සිදුව ඇති බව මාරවිල පොලිසිය කියයි.

මෙම අනතුර අද (2)  දින අලුයම මාරවිල හත්තිනිය ප්‍රදේශයෙදී සිදුව ඇති අතර අනතුරින් මරණයට පත්ව ඇත්තේ සිදූව ප්‍රදේශයෙ පදිංචි 34 හැවිරිදි සම්පත් කැළුම් ඒකනායක නැමති අයකු බව කියයි.

අනතුරින් මරණයට පත් අය තම මව,බිරිද, හා දරු දෙදෙනා සමග පුත්තලම ප්‍රදේශයෙ දානමය පිංකමකට සිකුරාදා සවස පැමින ඇති බවත් දානමය පුන්‍ය කර්මය අවසන් වී නැවත සිදූව ප්‍රදේශයෙ නිවසට ත්‍රි රෝද රථයෙන් ගමන් කරමින් සිටියදී ඩිමෝ බට්ටා ලොරියක ගැටි අනතුරට ලක්වි ඇති බව කියයි.

අනතුර සිදුවන මොහොතේ මරණයට පත් වු අය ත්‍රි රෝද රථය පදවා ඇති බවත් අධික නිදිමත හේතුවෙන් මෙම අනතුර සිදුවන්නට ඇති බව මාරවිල මූලස්ථාන පොලිසියෙ රථවාහන අංශය පවසයි.

අනතුරින් බරපතල තුවාල ලබා සිටි 34 හැවිරිදි දෙදරු පියා මරණයට පත්ව අවුරුදු 4 හා 7 ක් වයසැති දරු දෙදෙනා හා මරණයට පත්වු අයගෙ මව හා බිරිද ද බරපතල තුවාල ලබා රෝහල් ගත කර ඇති බව පොලිසිය කියයි.

අනතුරින් තුවාල ලැබු දරුවන් දෙදෙනෙකු ඇතුළු සිව් දෙනෙකු මාරවිල මූලික රෝහලට ඇතුලත් කර තිබුනී.

අනතුර සම්බන්ධව මාරවිල මූලස්ථාන පොලිසියෙ රථවාහන පොලිසිය පරික්ෂණ පවත්වයි.