(බිමල් ශ්‍යාමන් ජයසිංහ)

තෙමහල් නිවසක උඩුමහලේ කාමරයක තාවකාලිකව පදිංචිව සිටි එක් දරු පියාගේ අභිරහස් මියගොස් ඇති අතර ඔහු සමඟ එම කාමරයේ ගතකළ එක්දරු මවකගේ සිරුර එම කාමරේම බාල්කයක එල්ලෙමින් තිබියදී සොයාගත් බව කොහුවල පොලිසිය කියයි.

මෙලෙස මියගොස් ඇත්තේ හම්සර් කුමාර්  හා බාලසුබ්‍රමනියම් යෝගේස්වරි නැමැති  දෙදෙනෙකි

මීට දින තුනකට පමණ ඉහතදී ( එනම් 13 වෙනි දින) මියගිය මොවුන් දෙදෙනා එම කාමරයේ පදිංචියට පැමිණ ඇති අතර කාන්තාව මෙහෙකාරියක් ලෙසත් පිරිමි පුද්ගලයා කුලී වැඩ කරන්නේක් ලෙසත් නිවෙස් හිමියාට හඳුන්වා දී තිබූ බව පොලීසිය සඳහන් කරයි.

කාමරේ පදිංචියට පැමිණ දින 2ට පසු මියගිය පිරිමි පුද්ගලයා ඔහු රැකියාව සිදුකළ ස්ථානයට වැටුප් ලබා ගැනීමට යන බව කාන්තාවට පවසා උදෑසන පිටව ගොස් එදිනම දහවල් දොළහට පමණ ආපසු පැමිණ ඇතැයි පොලිස් විමර්ශනවලදී අනාවරණය වී ඇත.

එහිදී කාන්තාව ද ඇඳ වෙත ගොස් සල්ලි ගත්තේ නැද්දැයි විමසීමේදී හිස වනා නැහැ යනුවෙන් පවසා තිබූ බව කාන්තාව 15 වෙනි දින පොලිසියට ලබාදුන් ප්‍රකාශ සඳහන්ව ඇතැයි පොලිසිය කියයි.

නිවෙසට පැමිණි මද වේලාවක දී එම පුද්ගලයාගේ නහයෙන් ලේ ගලා එන දුටු කාන්තාව මේ බව නිවසේ හිමිකරුට පැවසීමෙන් ඔහුගේ දැනුම් දීම මත 1990 සුව සැරිය ගිලන් රථයෙන් පැමිණි තිබූ සෞඛ්‍ය සහයකයන් එම පුද්ගලයා පරීක්ෂාකර බලා ඔහු මියගොස් ඇති බවට දැනුම් දීමෙන් අනතුරුව ඒ බව පොලීසියට දැනුම් දුන් බව පොලිස් නිලධාරියෙක් පැවැසීය.

අනතුරුව මහේස්ත්‍රාත් පරීක්ෂණ පැවැත්වීමෙන් අනතුරුව මල සිරුර පශ්චාත් මරණ පරීක්ෂණය සඳහා කලුබෝවිල ශික්ෂණ රෝහලේ තැන්පත් කිරීමට කටයුතු යෙදිණි.

එකි පුද්ගලයාගේ දේහය ඔහුගේ නීත්‍යානුකූල බිරිඳ ට බාර දීමට අවශ්‍ය හෙයින් නානුඔය ප්‍රදේශයේ ඥාතීන්ට ඒ බව දැනුම් දීමට කටයුතු කළ අතර ඔවුන්ට 16 වැනි දින රෝහල කරා පැමිණීමට නොහැකි වී ඇති අතර මියගිය කාන්තාව රෝහලේ සිට 16 වෙනි දින දහවල් 1ට විතර නවාතැන් ගෙන සිටි කාමරය වෙත පැමිණ තිබූ බව නිවෙස් හිමියාගෙන් ප්‍රකාශයකින් අනාවරණය වූ බව පොලිසිය කියයි.

එදින රාත්‍රී 8 පමණ වනතුරු කාමරයේ විදුලිය දල්වා නොතිබූ බැවින් නිවෙස් හිමියා උඩුමහලට ගොස් ජනේලයකින් කාමරය දෙස බැලීමේදී කාන්තාවගේ සිරුර බාල්කයේ එල්ලෙමින් ඇඳ මත දණ ගසාගෙන සිටින අයුරින් දැක ඒ බව පොලීසියට දැනුම් දුන් බව පොලිස් නිලධාරියා වැඩිදුරටත් පැවසීය.