2025 දෙසැම්බර් මස 26 වන සිකුරාදා
(යොහාන් භාසුර)
යාපනය ඩෙල්ෆ්ට් ජැටියේ පිවිසුම් දොරටුව අසලදී අනතුරට පත් ට්රෝලර් යාත්රාවක සිටි පුද්ගලයන් 38 ක් නිරුපද්රිතව බේරා ගැනීමට සහ එහි ප්රවාහනය කරමින් තිබූ ගොඩනැගිලි ද්රව්ය තොගයක් මුහුදුබත් වීමට නොදී බෙරාගැනීමටත් අද (7) සමත් වූ බව ශ්රී ලංකා නාවික හමුදාව පවසයි.
නාවික හමුදාව ක්ෂණිකව ක්රියාත්මක වී කළ මෙම මෙහෙයුම හේතුවෙන් සිදූවීමට තිබූ විශාල ජීවිත හා දේපල හානියක් වළක්වා ගැනීමට හැකි වූ බවත් ‘කාලි අම්බාල් 2’ නැමැති මෙම යාත්රාව ඩෙල්ෆ්ට් දූපතේ වරාය පිවිසුම් දොරටුවෙහි අනතුරට පත්ව ගිලි ගියේ නම්, ඩෙල්ෆ්ට් දූපත වෙත කරන සියළුම ගමනාගමන කටයුතු ඇණහිටීමටත් එහි පරිපාලනයට විශාල බලපෑමක් සිදුවීමටත් ඉඩතිබූ බවත් නාවික හමුදාව සඳහන් කළේය.
යාපනය, පුණ්ගුඩුතිව් දූපතේ පිහිටි කුරිකඩ්ඩුවාන් ජැටියේ සිට ඩෙල්ෆ්ට් දූපත දක්වා පුද්ගලයන් 38 ක් සමඟ ගොඩනැගිලි ද්රව්ය තොගයක් ප්රවාහනය කරමින් තිබූ ට්රෝලර් යාත්රාවක් ඩෙල්ෆ්ට් දූපතේ වරාය පිවිසුම් දොරටුව අසලදී මුහුදේ පැවති බාදිය තත්වය හමුවේ යාත්රාව මුහුදු පත්ලේ ගැටී යාත්රාව සිදුරු වීම හේතුවෙන් යාත්රාව තුළට ජලය කාන්දු වී යාත්රාව අනතුරකට පත්වී ඇති බවට උතුරු නාවික විධානයට අයත් ශ්රී ලංකා නාවික නෞකා වසභ ආයතනය වෙත තොරතුරක් ලැබීමෙන් පසුව මෙම මෙහෙයුම දියත් කළ බව නාවික හමුදාව කීය.
එම දැනුම් දීමට වහාම ප්රතිචාර දැක්වූ නාවික හමුදාව, ශ්රී ලංකා නාවික නෞකා වසභ ආයතනයට අනුයුක්ත වෙරළබඩ මුර යාත්රා සහ කුඩා යාත්රා යොදා ගනිමින් අනතුරට පත් යාත්රාව සහ එහි සිටි පුද්ගලයින් නිරුපද්රිතව බේරා ගැනීමට කටයුතු කළ බව ද නාවික හමුදාව වැඩි දුරටත් කීය.
2025 දෙසැම්බර් මස 18
548
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
274
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
1075
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
ඩෙල්ෆ්ට් ජැටියේ ගිලෙන්න ගිය ජීවිත 38 ක් නාවික හමුදාව බේරාගනී