(බිමල් ශ්‍යාමන් ජයසිංහ) 

ඩෙංගු හා පූර්ණ රුධිර පරීක්ෂණ සඳහා  ගැසට් කරන ලද නියමිත ගාස්තුවට  වඩා වැඩි මුදලක් අය කළ පෞද්ගලික රෝහල් සහ රසායනාගාර  දොළහක් සඳහා පසුගිය මාස හතර තුළ  රුපියල් ලක්ෂ 94ක දඩ මුදලක්  අධිකරණ මගින් නියම කර ඇතැයි  පාරිභෝගික කටයුතු අධිකාරියේ ජේෂ්ඨ විමර්ශන නිලධාරී ඒ . යු. රංජන මහතා පැවසීය

කොළඹ , නුගේගොඩ , මාලිගාකන්ද හා ගල්කිස්ස යන අධිකරණවලින් එම දඩ මුදල් නියමකර ඇතැයි ජේෂ්ඨ විමර්ශන නිලධාරියා පැවැසීය

කොළඹ දිස්ත්‍රික් වැටලීම් ඒකකය මගින් පරීක්ෂණ ගාස්තු සම්බන්ධයෙන් සිදුකළ විමර්ශනවලදී වැඩි මුදලක් අය කිරීම සම්බන්ධයෙන් අනාවරණය වූ තොරතුරු අනුව නඩු පැවරීමෙන් අනතුරුව එකී දඩ මුදල නියම කර තිබිණි

ඊට අමතරව  අනෙකුත් පරීක්ෂණ ගාස්තු සම්බන්ධයෙන් විවිධ මධ්‍යස්ථානවල විවිධ ගාස්තු අය කිරීම සම්බන්ධයෙන් දැනට පාරිභෝගික කටයුතු අධිකාරිය ට මැදිහත්වීමේ අවකාශයක් නොමැති බවත් නමුත් බහුලව භාවිතා වන රසායනගාර පරීක්ෂණ කිහිපයක් සම්බන්ධයෙන්  යම් මිල සීමාවක් පැනවීම සම්බන්ධයෙන් යෝජනා  හා මූලික කටයුතු  මේ වන විට සිදුවෙමින් පවතින බව ජේෂ්ඨ විමර්ශන නිලධාරියා වැඩිදුරටත් පැවසීය

පාරිභෝගික කටයුතු අධිකාරියේ සභාපති නීතීඥ ශාන්ත නිරිඇල්ල, කොළඹ දිස්ත්‍රික් ලේකම් කේ ජි විජේසිරි මහත්වරුන් ගේ මහත්වරුන්ගේ උපදෙස් මත කොළඹ දිස්ත්‍රික් විශේෂ වැටලීම් ඒකකයේ ජේෂ්ඨ විමර්ශන නිලධාරී ඒ යු රංජන  ,විමර්ශන නිලධාරීන් වන පියල් සමරනායක, එස් යු පුංචිහේවා , ධනුක ගුණරත්න , අරවින්ද ශාලිත හා යසිත ඉෂාන් මහත්වරු වැටලීම්වලට එක්වූහ