(අංජුල මහික වීරරත්න)
සෑම දරුවෙකුටම ගුණාත්මක අධ්යාපනයක් තහවුරු වන පරිදි මෙරට පාසල් පද්ධතිය විධිමත් කිරීම සහ විෂයමාලා ප්රතිසංස්කරණය පිළිබඳ ප්රමුඛ අවධානය යොමු කරන ලෙස ජනාධිපති අනුර කුමාර දිසානායක මහතා අධ්යාපන අමාත්යාංශයේ නිලධාරීන්ට උපදෙස් දුන්නේය.
රජයේ අධ්යාපන ප්රතිසංස්කරණ වල අපේක්ෂිත ඉලක්ක සපුරා ගැනීම වෙනුවෙන් කළ යුතු ආයෝජන නිසි පරිදි සිදු කරන ලෙසද ජනාධිපතිවරයා කීය. දිවයින පුරා විසිරී තිබෙන වෘත්තීය අධ්යාපන වැඩසටහන් වෙනුවට, අධ්යාපන අමාත්යාංශයේ වෘත්තීය අධ්යාපන අංශයේ මැදිහත්වීමෙන් ජාතික වෘත්තීය අධ්යාපන සැලැස්මක් සකස් කරන ලෙසද ජනාධිපතිවරයා උපදෙස් දුන්නේය.
ජනාධිපති අනුර කුමාර දිසානායක මහතා මෙම උපදෙස් ලබා දුන්නේ අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ 2026 වසරේ පූර්ව අයවැය සාකච්ඡාවට අද (29) ජනාධිපති කාර්යාලයේදී එක් වෙමිනි.
අධ්යාපන, උසස් අධ්යාපන සහ වෘත්තීය අධ්යාපන අමාත්යාංශට 2025 වසරේ වෙන් කෙරුණු අයවැය ප්රතිපාදන මත සාමාන්ය අධ්යාපන, උසස් අධ්යාපන සහ වෘත්තීය අධ්යාපන යන අංශ තුන යටතේ ක්රියාත්මක ව්යාපෘතිවල ප්රගතිය, මතුව ඇති ගැටලු සහ අභියෝග පිළිබඳව මෙහිදී වෙන් වෙන් වශයෙන් සාකච්ඡා කෙරිණි.
“ශ්රී ලාංකික අනන්යතාව බෙදා ගන්නා දක්ෂ පුරවැසියන් තුළින් ගෝලීය සමාජයේ විශිෂ්ටත්වය කරා ළඟා වීම” යන දැක්ම යටතේ වන අධ්යාපන අමාත්යාංශයේ ඉදිරි සැලසුම් පිළිබඳවද මෙහිදී පුළුල් අවධානය යොමු කෙරිණි.
විදේශ ආධාර යටතේ පාසල් පද්ධතියේ ක්රියාත්මක වන ව්යාපෘති පිළිබඳවද සාකච්ඡා කෙරුණු අතර සාමාන්ය අධ්යාපන නවීකරණ ව්යාපෘතිය (GEMP), ද්වීතියික අධ්යාපන ආංශික සංවර්ධන ව්යාපෘතිය (SESIP) ආදී ව්යාපෘතිවල ප්රගතිය අධ්යාපන අමාත්යාංශ නිලධාරීන් විසින් ජනාධිපතිවරයා වෙත ඉදිරිපත් කරන ලදී.
දීර්ඝකාලයක් පුරා පාසල්වල ක්රියාත්මක වන ව්යාපෘති යාවත්කාලීන කිරීමේ අවශ්යතාවද ජනාධිපතිවරයා මෙහිදී පෙන්වා දුන්නේය.
ප්රාථමික පාසල් සංවර්ධනය ඇතුළු පාසල් සංවර්ධන වැඩසටහන් පිළිබඳවද ජනාධිපතිවරයාගේ විශේෂ අවධානය යොමු විය.
අධ්යාපන හා උසස් අධ්යාපන අමාත්ය ආචාර්ය හරිනි අමරසූරිය මෙනවියද මෙම අවස්ථාවට සහභාගී වූවාය.
සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්රය හැඩගැස්සවූ බව ඔබ දන්නා සත්යයක
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්
ශ්රී ලංකාවේ බැංකු නොවන මූල්ය සමාගම් අතර ප්රමුඛතම මූල්ය සමාගමක් මෙන්ම සම්පත් බැංකුවේ පූර්ණ හිමිකාරීත්වය සහිත මූල්ය සමාගම වන සියපත ෆිනෑන්ස් පීඑ
ජනපති අධ්යාපන අමාත්යංශය කැඳවයි