(රෝෂන් තුෂාර)

ප්‍රකට සංවිධානත්මක අපරාධ කල්ලි නායකයින් ලබා දුන් රුපියල් කෝටි එකහමාරකට අධික මුදල් බැංකු ගිණුම් තුනකට බැර කරවා ගත්තේ යැයි බන්ධනාගාරගත  ගාල්ල සහ ඇඹිලිපිටිය පොලිස් කොට්ඨාසයේ හිටපු ජ්‍යෙෂ්ඨ පොලිස් අධිකාරිවරයා ලබන 30 දක්වා යළි රක්ෂිත බන්ධනාගාර ගත කිරීමට  කොළඹ ප්‍රධාන මහේස්ත්‍රාත් අසංග  එස්   බෝදරගම  මහතා  අද(16) නියෝග කළේය.

මාස අටක් වැනි කෙටි කාලයක් තුළදී   ප්‍රකට සංවිධානත්මක අපරාධ කල්ලි නායකයින්ගෙන්,මත්ද්‍රව්‍ය ජාවාරම්කරුවන්ගෙන්,පොලිසියට සේවා ලබා ගැනීමට පැමිණෙන පුද්ගලයින්ගෙන් හා වෙනත් ව්‍යාපාරිකයන්ගෙන් රුපියල් ලක්ෂ එකසිය හතලිහක මුදලක් බැංකු ගිණුම් තුනක බැර කරවා ගත්තේ යැයි රක්ෂිත බන්ධනාගාර ගත කළ සතිෂ් රාජන් හියාරේ ගමගේ සැකකරු සම්බන්ධයෙන් විමර්ශන අවසන් නොමැති බැවින් ඇප ඉල්ලීම ප්‍රතික්ෂේප කරමින් මෙසේ යළි රක්ෂිත බන්ධනාගාර ගත කළේය.

  මුදල් විසුද්ධි  කරන පනත යටතේ අල්ලස් කොමිසම සිදු කරන විමර්ශනය කැඳවූ අවස්ථාවේදී මෙසේ රක්ෂිත බන්ධනාගාර ගත කෙරිණි .