(යොහාන් භාසුර)

ගෘහස්ථ ගෑස් බෙදා හැරීම  භෙට (24 අඟහරුවාදා)  සිට සිදුනොවන බවත්  ගෑස් පෝලිම්වල නොසිටින ලෙස මහජනතාවගෙන් ඉල්ලීමක්  කරන බවත් ලිට්‍රෝ ගෑස් සමාගමේ මාධ්‍ය ප්‍රකාශක  වී. කේතේෂ්වරන් මහතා අද (23) රාත්‍රිය  පැවසීය. 

ලිට්‍රෝ සමාගම සතුව තිබූ ගෑස් තොග අවසන් වීම නිසා ගෘහස්ථ ගෑස් නිෂ්පාදනය අත්හිටුවීමට සිදු වූ බවත් අත්‍යවශ්‍ය සේවාවලට සහ ව්‍යාපාර කටයුතු සඳහා පමණක් ගෑස් තවදුරටත් නිකුත් කරන බවත් වී. කේතේෂ්වරන් මහතා කීය. 

 මුදල් ගෙවා ඇති ගෑස් නෞකා දෙකෙන්  ලබන බ්‍රහස්පතින්දා ශ්‍රී ලංකාවට ළඟාවීමට නියමිත  පළමු නෞකාවෙන් ගෑස් ගොඩබෑමෙන් පසුව ලබන සිකුරාදා හෝ සෙනසුරාදා  වනවිට නැවත ගෑස් බෙදාහැරීම ආරම්භ කිරීමේ හැකියාව ඇති බවකි මාධ්‍ය ප්‍රකාශකවරයා එම කාලය තුළ ජනතාව ගෑස් පෝලිම්වල සිටීම, ගෑස් වැඩි මිලට ලබාගැනීම සහ ගෑස් තොග රැස් කිරීමෙන් වැළකී සිටින ලෙස ඉල්ලා සිටින බවත් වැඩිදුරටත් සඳහන් කළේය.