(රේඛා තරංගනී ෆොන්සේකා)

මොරටුව මහ නගර සභා කසළ ඉවත් කරන සේවකයන් කාන්තා සනීපාරක්ෂක තුවා සහ දරුවන්  සහ රෝගි වැඩිහිටියන්ට භාවිතා කරන පැම්පස් ඇතුළු දෑ රැගෙන නොයාම නිසා ගැටලුකාරී තත්ත්වයන් මතුව ඇති බව පවසමින් ජනතා විමුක්ති පෙරමුණේ නාගරික මන්ත්‍රීනී ප්‍රභාෂණී වික්‍රමසිංහ මහත්මිය ඇතුළු කණ්ඩායමක්  මොරටුව සොයිසා පුරදී විරෝධතාවයක නිරත වූහ.

සති තුනක කාලයක පුරා මෙම අපද්‍රව්‍ය රැගෙන යාම මොරටුව මහ නගර සභනවතා ඇති බව සදහන් කරන මන්ත්‍රිවරිය එසේ රැගෙන නොයන කසළ මොරටුවේ තැනින් තැන පුළුස්සා දැමීමට ජනතාව පියවර ගෙන ඇති බවද පැවසීය.

කසල රැගෙන නොයාම පිළිබඳව මොරටුව මහ නගර සභාවේ නගරාධිපති වරයාගෙන් ද අප විමසා සිටි අතර ඒ මහතා පිළිතුරැ දෙමින් පැවසුවේ කරදියාන කසළ අංගනයට කසල බාර ගැනීම අධිකරණ නියෝගයකට අනුව තාවකාලිකව අත්හිටුවා ඇති බවයි.

ඒ අනුව තාවකාලිකව කසල එකතු කිරීම නවතා දැමීමට සිදු වූ බවද ඒ මහතා පැවසීය

වසර ගණනාවක් පුරා කසල ඇදීමට යම් ප්‍රයත්නයක් දැරුවා සේම කඩිනමින් මෙම ගැටලුව විසඳීමට පියවර ගන්නා බවද ඒ මහතා පැවසීය.