(බිමල් ශ්‍යාමන් ජයසිංහ)

බණ්ඩාරගම කැස්බෑව මාර්ගයේ ගල්කඩේ හංදියේදී ලංගම බස් රථයක් මාර්ගයේ රැඳී සිටි පුද්ගලයන් දෙදෙනකු යටකර යෑම නිසා එම පුද්ගලයන් දෙදෙනාම මියගොස් ඇතැයි බණ්ඩාරගම පොලිසිය කියයි.

සිදුවූ අනතුරින් බස් රථයේ ගමන් ගත් කාන්තාවගේ අතකටද ආබාධයට ලක්වී රෝහල් ගත වූ බව බණ්ඩාරගම රෝහලේ ප්‍රකාශකයෙක් පැවසීය.

අනතුරින් මියගොස් ඇත්තේ අකුරැස්ස ප්‍රදේශයේ පදිංචිව සිටි එම්. ඒ. ශාන්ත රංජිත් (53) හා බෙරලපනාතර ප්‍රදේශයේ පදිංචිව සිටි එස් කේ සුමනසිරි (60) යන දෙදෙනායි.

බණ්ඩාරගම ප්‍රදේශයේ විහාරස්ථානයක ඉදිකිරීම් කටයුත්තක් සඳහා මියගිය පුද්ගලයන් දෙදෙනා සහ තවත් පුද්ගලයකු  පැමිණ ආපනශාලාවකින් දහවල් ආහාර ලබාගෙන තිබූ බව පොලිස් විමර්ශනවලදී අනාවරණය වී ඇත.

බණ්ඩාරගම දෙස සිට කැස්බෑව දෙසට ධාවනය වූ ලංගම බස් රථය ප්‍රතිවිරුද්ධ දිශාවට ධාවනය වී එකවරම එම පුද්ගලයන් යට කරගෙන එම දිසාවේම තිබෙන කුකුල් මස් වෙළඳසැලක් වෙත කඩා වැදි කානුවට බර වී නතර වී තිබූ බව පොලිසිය කියයි.

--------------------------------------------------

(බිමල් ශ්‍යාමන් ජයසිංහ )

බණ්ඩාරගම කැස්බෑව මාර්ගයේ ගල් කඩේ හංදියේදී ලංගම බස් රථයක් මාර්ගයේ  රැඳී සිටි පුද්ගලයන් දෙදෙනෙකු මතට කඩා වැදී එක් අයකු මිය ගොස් තවත් අයකු බරපතළ තුවාල ලබා ඇතැයි බණ්ඩාරගම පොලිසිය කියයි.

සිදුවූ අනතුරින් බස් රථයේ ගමන් ගත් කාන්තාවගේ අතකටද ආබාධයට ලක්වී රෝහල් ගත වූ බව බණ්ඩාරගම රෝහලේ ප්‍රකාශකයෙක් පැවසීය.

අනතුරින් මියගොස් ඇත්තේ අකුරැස්ස ප්‍රදේශයේ පදිංචිව සිටි වයස අවුරුදු 45-55 අතර පුද්ගලයෙකි.

බණ්ඩාරගම ප්‍රදේශයේ විහාරස්ථානයක ඉදිකිරීම් කටයුත්තක් සඳහා  අනතුරට පත් පුද්ගලයන් දෙදෙනා සහ තවත් පුද්ගලයකු අද (12) පැමිණ  ආපනශාලාවකින් දහවල් ආහාර ලබාගෙන තිබූ බව පොලිස් විමර්ශනවලදී අනාවරණය වී ඇත.