(හිරාන් ප්‍රියංකර ජයසිංහ )

රුපියල් මිලියන 220 ක කේරළ ගංජා තොගයක් සමඟ විදේශීය රටක නිෂ්පාදිත පිස්තෝල දෙකක් හා මැගසින් හතරක්,ජීව උණ්ඩ තොගයක් , ජාවාරමට යොදා ගත් කැබ් රථයක් හා මෝටර් රථයක්  සමග සැකකරුවන් තිදෙනෙකු  වෙන්නප්පුව බෝලවත්ත ප්‍රදේශයෙදී අත් අඩංගුවට ගෙන තිබේ.

ශ්‍රී ලංකා වෙරලාරක්ෂක දෙපාර්තමේන්තුව,නාවික හමුදාව හා පොලිස් මත්ද්‍රව්‍ය නාශක කාර්යාංශය ඒකාබද්ධව මෙම වැටලිම සිදු කර තිබිණි.

මෙලෙස අත් අඩංගුවට ගෙන ඇත්තේ අවුරුදු 44 හා 51 සිමාවල පසුවන අනුරාධපුර උලුක්කුලම හා පොතානේගම හා නොච්චියාගම පදිංචි සැකකරුවන් තිදෙනෙකී.

කේරළ ගංජා තොගය ප්‍රවාහනය කරමින් තිබු කැබ් රථය අත් අඩංගුවට ගෙන වැඩි දුර පරික්ෂාවකට ලක් කිරිමේදි සගවා තිබු විදේශ රටක නිෂ්පාදිත පිස්තෝල දෙකක් සමග මැගසින් හතරක් සමග ජීව උන්ඩ 40 ක් සොයා ගැනිමට සමත්වු බව කියයි.

ගිනි අවි හා කේරළ ගංජා තොගය ඉන්දියාවේ සිට මුහුදු මාර්ගයෙන් රැගෙන විත් කොළඹ ප්‍රදේශයට මෙලෙස ප්‍රවාහනය කරමින් තිබියදි අත් අඩංගුවට ගැනිමට සමත්ව තිබුණි.