කාර්යාල සහායිකාවගේ ගමන් බෑගය සොරකම් කළ ගණකාධිකාරීවරයා මාට්ටු

(ටී.කේ.ජී.කපිල )

එංගලන්තයේ ලන්ඩන් නුවර සිට කටුනායක ගුවන් තොටුපොළ වෙත පැමිණෙමින් තිබූ ශ්‍රී ලන්කන් ගුවන් යානයේ ගමන් ගත් කාර්යාල කාර්යය සහායිකාවකගේ අත් බෑගය සොරා ගත් ගණකාධිකාරීවරයෙකු , කටුනායක ගුවන් තොටුපොළ පොලිසිය අත් අඩංගුවට ගෙන තිබේ .

සිරි ශ්‍යාමලී වීරසිංහ එංගලන්තයේ සහ ශ්‍රී ලංකාවේ ද්විත්ව පුරවැසිභාවය හිමි දැනට එංගලන්තයේ පදිංචි , ශ්‍රී ලංකාවේ පන්නිපිටිය ප්‍රදේශයේ ද පදිංචි 55 හැවිරිදි , එරට කාර්යාල කාර්යය සහායකවරියක ලෙස සේවය කරන්නියකි .

ඇය ඊයේ(26) එංගලන්තයේ ලන්ඩන් නුවර සිට ශ්‍රී ලන්කන් ගුවන් සේවයේ යූ.එල්.- 504 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි .

ඇයගේ අත් බෑගය තුළ රුපියල් දහ හතර ලක්ෂ විසි තුන් දහස් පන්සීයයක් වටිනා ස්ටර්ලින් පවුම් 2,700 ක් , අලුත් අයි වර්ගයේ ජංගම දුරකථන 02 ක් සහ සැම්සුන් වර්ගයේ ජංගම දුරකථන 02 ක් තිබී ඇත .

මෙම ගුවන් යානය ගුවන් ගත වී මද වේලාවකින් පසුව , මෙම අත් බෑගය නැති වී ඇති අතර , ඒ පිළිබඳව ශ්‍රී ලන්කන් ගුවන් යානා කාර්යය මණ්ඩලය වෙත , මෙම කාන්තාව පැමිණිළි කිරීමට පියවර ගෙන තිබේ .

අදහස් (6)

කාර්යාල සහායිකාවගේ ගමන් බෑගය සොරකම් කළ ගණකාධිකාරීවරයා මාට්ටු

සිංහයා Wednesday, 27 November 2024 01:54 PM

කැලේ මාරුවුණාට කොටියාගේ පුල්ලි මාරුවෙන්නේ නැහැයි කියන්නේ මෙන්න මේවාට තමයි.

: 2 24

ගුණරත්න Wednesday, 27 November 2024 02:03 PM

හිතාගන්නත් අමාරු දේවල්, එකහා සමාන බෑග නිසා මාරුවීමක් වුණා වෙන්න ඇති...!

: 13 3

SarasiWednesday, 27 November 2024 02:48 PM

සහායිකාවගේ ගමන් බෑගය ?

: 0 0

ශාන්Wednesday, 27 November 2024 03:59 PM

ඒ රටවල මිනිස්සුන්ට සල්ලි මිත්‍රයා...!

: 1 1

LALITH KANNANGARA Wednesday, 27 November 2024 04:03 PM

කාර්‍යාල කාර්‍ය සහායිකාවගේ සියලු විස්තර සටහන්ව තිබුණත් ගණකාධිකාරී ගේ නමවත් වැඩ කරන තැන ගැනවත් කිසිදු විස්තරයක් නෑනේ. අපිට ඕන එයාගෙන් පරෙස්සන් වෙන්න..

: 1 20

sanath Wednesday, 27 November 2024 05:40 PM

පුදුම හොරෙක්නේ... බෑග් එක නැති වුණාම ඕක කොහොමත් පැසෙන්ජර්ස්ලාගෙන් චෙක් කරන බව නොදැනද හොරකම් කළේ? ලෑන්ඩ් කළ ගමන් කළින් මාරු වෙන්න හිතාගෙන ඉන්න ඇති...

: 1 6