( ඩී.ජී.සුගතපාල)

වකුගඩු රෝගින්ගේ ලේ පිරිසිදු කිරිමට  (රුධිර කාන්දු පෙරණ)ගන්නා උපකරණ කරාපිටිය රෝහලේ නොමැතිවීම නිසා වකුගඩු රෝගිහු සිය ගණනක් දැඩි පීඩාවට පත්ව සිටිති.

කරාපිටිය රෝහලේ සායනවලට  පැමිණ ලේ පිරිසිදු කරගන්නා සහ  නේවාසිකව ප්‍රතිකාර ගනු ලබන සිය ගණනක් වකුගඩු රෝගිහු මෙම තත්වය හමුවේ දැඩි ජිවිත අවදානමකට පත්ව සිටිති.

 දින පහකට වරක් සමහර රෝගින්ගේ ලේ පිරිසිදු කල යුතු අතර සමහර රෝගින්ගේ ලේ  දවස් දෙකකට වරක් ලේ පිරිසිදු කල යුතුව ඇති බව රෝගින්ගේ ඥාතිහු පවසති.ඔවුන් පවසන්නේ මුදලට ගැනිමටවත්   කිසිදු ඖෂධ ශාලාවක මෙම උපකරණ නොමැති බවය.ඥාතින් වැඩි දුරටත් පවසන්නේ නියමිත දිනවල ලේ පිරිසිදු කිරිම නොකලොත් ඔවුන්ගේ මරණයද අතලඟ බවය.

මේ පිළිබඳව කරාපිටිය රෝහලේ නියෝජ්‍ය අධ්‍යක්ෂ හරෂණි උබේසේකර මහත්මියගෙන් විමසුවිට කියා සිටියේ කරාපිටිය රෝහලට පමණක් නොව වෙනත් රෝහල්වලටද මෙම උපකරණ හිඟය බලපා ඇති අතර දිවයින පුරාම මෙම උපකරණ හිඟය පවතින බවය..