කුරුණෑගල මවකට අවුරුද්දේ ලොකු තෑග්ගක්

(ෂේන් සෙනෙවිරත්න)

පේරාදෙණිය ශික්ෂණ රෝහලේ දී කුරුණෑගල මවක් දරුවන් සිව් දෙනකු බිහි කළාය.

කුරුණෑගල තෝරයාය අටමුනේ ප්‍රදේශයේ පදිංචි 30 මවක් එසේ සිව් නිවුන් දරු ප්‍රසූතියක් සිදු කොට තිබෙන අතර පිරිමි දරුවන් තිදෙනකු සහ ගැහැණු දරුවකු ඇය බිහි කළාය.

දරුවන්ගේ මව පාසල් ගුරුවරියක් වන අතර පියා මල්ලවපිටිය ප්‍රාදේශීය ලේකම් කාර්යාලයේ සංවර්ධන නිලධාරියකු වශයෙන් සේවය කරන අයෙක් බව රෝහල් ආරංචි මාර්ග සඳහන් කරයි .

එම සිව් නිවුන් දරුවන් පේරාදෙණිය ශික්ෂණ රෝහලේ නවජන්ම ළදරු විශේෂ ප්‍රතිකාර ඒකකයේ තැබීමට වෛද්‍යවරුන් පියවර ගෙන තිබේ .

පේරාදෙණිය ශික්ෂණ රෝහලේ ප්‍රසව හා නාරිවේද විශේෂඥ වෛද්‍ය පේරාදෙණිය වෛද්‍ය පීඨයේ ජ්‍යෙෂ්ඨ කථිකාචාර්ය වෛද්‍ය සම්පත් ඥානරත්න මහතා පවසා සිටියේ දරුවන්ගේ මව යහපත් සෞඛ්‍ය තත්වයෙන් සිටින බවත් විනාඩි 10 ක පමණ කාල පරතරයක් අතරතුර සිසේරියන් සැත්කමක් මගින් දරුවන් පිටතට ගත් බවයි .

අදහස් (5)

කුරුණෑගල මවකට අවුරුද්දේ ලොකු තෑග්ගක්

ගමේ එකාලා Monday, 17 April 2023 04:41 PM

දොස්තර මහතා ඇතුලුව සහයෝගය දීපු කාර්ය මණ්ඩලයට අපගේ ප්‍රණාමය පුදකරනවා. මවටත් දරුවන්ටත් සියලු දෙවිපිහිට සහ ආරක්ෂාව ලැබේවා...!

: 1 44

Lalla Monday, 17 April 2023 05:24 PM

මේ යුවලට නම් දරුවන් වෙනුවෙන් උපකාර අවශ්‍ය වෙනවා. උපකාර කළ යුතුයි.

: 0 42

අරුණ Monday, 17 April 2023 06:31 PM

කිසිම ආගමික මතවාදයක් පොඩි දරුවන්ගේ මනසට බලහත්කාරයෙන් කාවද්දන්න එපා !

: 0 1

Nihal Monday, 17 April 2023 09:56 PM

දෙමාපියන්ට,දරුවන්ට නිරෝගි සුවය වාසනාව පතමි

: 0 6

Don Tuesday, 18 April 2023 08:19 AM

ඉතාමත්ම සතුටුයි .දෙවි පිහිටයි ඔබ සියලු දෙනාටම .මෙවැනි අවස්තාවල මේ වගේ පවුල් වලට රජයෙන් විශේෂ රැකවරණයක් සලස්වා දිය යුතුයි .මේ දරුවන්ගේ පාසල් ගමන අවසන් වන තෙක්

: 0 7