(ෂේන් සෙනෙවිරත්න)

මත්කුඩු සම්බන්ධයෙන් අත්අඩංගුවට ගත් සැකකරුවකු මහනුවර අධිකරණයට ඉදිරිපත් කිරීම සඳහා පොලීසිය රැගෙන යමින් සිටියදී එම සැකකරු අධිකරණ ගොඩනැගිල්ලේ දෙවැනි මහලෙන් පහලට පැනීම හේතුවෙන් බරපතල තුවාල ලබා මහනුවර ජාතික රෝහලට ඇතුළත් කර ඇත.

මහනුවර මූලස්ථාන පොලිසියේ දූෂණ මර්දන අංශය මගින් එම සැකකරු හෙරොයින් මිලිග්‍රෑම් 2150 සමඟ අත්අඩංගුවට ගැනීමෙන් අනතුරුව අද සවස අධිකරණය හමුවට ඉදිරිපත් කිරීම සඳහා රැගෙන යමින් සිටියදී පොලිස් අත්අඩංගුවෙන් මිදී ඔහු එසේ දෙවැනි මහලින් පහළට පැන තිබේ .