(ගයාන් සූරියආරච්චි)

බුස්ස අධිආරක්ෂිත බන්ධනගාරයේ දැනට රඳවා සිටින සංවිධානාත්මක අපරාධ කරුවකු වන රණවිර ආරච්චිගේ ශානුක මදුෂාන් නොහොත් ඔලුමරා නමැත්තා සිර මැදිවියේ වැසිකිළි වළක් තුළ සඟවා තිබූ ජංගම දුරකථනයක්, සිම්පත් දෙකක් පොලිස් විශේෂ කාර්ය බළකා නිලධාරීන් විසින් අත්අඩංගුවට ගනු ලැබීය.

සංවිධානාත්මක අපරාධ කල්ලි සාමාජිකයකු වන රණවිර ආරච්චිගේ ශානුක මදුෂාන් නොහොත් ඔලුමරා යන රැදවියා රදවා සිටින බුස්ස අධිආරක්ෂිත බන්ධනගාරයේ විශේෂ අංශයේ D කොටසේ අංක 104 සිර මැදිරි හදිසි පරික්ෂාවක දී වැසිකිළි වළක සඟවා තිබූ ජංගම දුරකථනයක්, සිම්පත් දෙකක් සහ චාජරයක් විශේෂ කාර්ය බළකාය නිලධාරීන් විසින් සොයා ගනු ලැබීය.

රණවිර ආරච්චිගේ ශානුක මදුෂාන් නොහොත් ඔලුමරා නැමැත්තා මාරවිල මහේස්ත්‍රාත් උසාවියේ නඩුවකට අදාලව සිදුකළ විමර්ශන වලට අනුව දුරකථනයක් භාවිතා කරමින්, පුද්ගලයන් බිය වද්දමින් වෙනත් පුද්ගලයන් යොදවා කප්පම් හා බිය වැද්දවිම් සිදු කරන ලද පුද්ගලයෙකු බවට අනාවරණය වී ඇත.

මාරවිල මහේස්ත්‍රාත් අධිකරණයේ විනිසුරුවරයා වෙත වාර්තා කිරිමෙන් අනතුරුව, මාරවිල මහේස්ත්‍රාත් අධිකරණයේ විනිසුරුවරයා ඉහත සැකකරු රදවා සිටින සිර මැදිරිය පරික්ෂා කර ජංගම දුරකථන හා සිම්පත් අත්අඩංගුවට ගන්නා ලෙස විශේෂ කාර්ය බළකාය අණදෙන නිළධාරිවරයා වෙත ලබා දි ඇති නියෝගයකට අනුව මෙම පරික්ෂාව සිදුකර ඇත.