ඊශ්‍රායලය සහ ඉරානය යුද ගැටුම අවසන් බවත්, දෙපාර්ශ්වයම පූර්ණ සටන් විරාමයකට කැමැත්ත පළ කළ බවත් ඇමෙරිකානු ජනාධිපති ඩොනල්ඩ් ට්‍රම්ප් විශේෂ මාධ්‍ය හමුවක් කැඳවමින් පැවැසීය.

ඇති කරගත් එකඟතාව අනුව කටයුතු කිරීමට දෙපාර්ශ්වයට යම්කිසි කාලයක් ගත වනු ඇති නමුත් හටගත් යුද උණුසුම අවසන් වූ බවත්, සාමය උදා වනු ඇති බවත් ට්‍රම්ප් එම මාධ්‍ය හමුවේ දී පැහැදිලි කළේය. සටනක් විරාමය අදියර වශයෙන් ආරම්භ වනු ඇතැයි ද ට්‍රම්ප් පෙන්වා දුන්නේය.

12 දිනක් තිස්සේ පැවැති යුද ගැටුම අවසන්. මම ඊශ්‍රායලයටත්, ඉරානයටත් සුබ පතනවා යැයි ජනාධිපති ඩොනල්ඩ් ට්‍රම්ප්, සිය ටෲත් සෝෂල් සමාජ මාධ්‍ය ගිණුම ඔස්සේ පවසා ඇත.

(අල් ජසීරා)