(යොහාන් භාසුර)

වර්තමාන ආණ්ඩුව මර්ධනයෙන් රාජ්‍ය පාලනය කරමින් සිටින බවත් ආණ්ඩුව අඛණ්ඩව මේ ආකාරයෙන් කටයුතු කළ හොත් රාජ්‍ය බිඳවැටී රට තවත් ආමාරුවේ වැටෙන බවත් ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්‍ෂ මහතා අද (17) පැවසීය.

නාමල් රාජපක්‍ෂ මහතා බත්තරමුල්ල, නෙළුම් මාවත පිහිටි ශ්‍රී ලංකා පොදුජන පෙරමුණ මූලස්ථානයේදී අද (17) පැවැති මාධ්‍ය හමුවේදී එසේ පැවසීය.

ආණ්ඩුව එක පැත්තකින් දේශපාලඥයන් ද අනෙක් පැත්තෙන් රාජ්‍ය සේවකයන් සහ බුද්ධි අංශ නිලධාරීන් ද, මර්ධධනය කරමින් සිටින බව දද නාමල් රාජපක්‍ෂ මහතා කීය.

මෙරට බුද්ධි අංශ නිලධාරීන්ගේ ක්‍රියාකලාපය සහ මෙවාවන් පිළිබඳව ආණ්ඩුවට පැහැදිළිව තේරුම් ගැනීමට නොහැකිව තිබෙන බවත් ආණ්ඩුව සියල්ලම පටලවාගෙන ‘ඩයස්පෝරාව’ හෝ වෙනත් තුන්වැනි පාර්ශවයක බලපෑමත මත බුද්ධි අංශ මර්ධනය කරන තත්වයකට ආණ්ඩුව පරිවර්ථනය වී ඇති බවත් ඒ මහතා කීය.

එම ක්‍රියාකළාපයට හේතුව ආණ්ඩුවේ නොදනුවත්කම හෝ එසේ නොවේ නම් ‘ඩයස්පෝරාවේ’ උවමනාව මත සිතාමතා බුද්ධි අංශ මර්ධනය කරනවා වියහැකි බව කී නාමල් රාජපක්‍ෂ මහතා ‘යහපාලන’ ආණ්ඩුව කාලයේ ද මේ ආකාරයටම බුද්ධි අංශ, දේශපාලඥයන් සහ රාජ්‍ය සේවකයා මර්ධනය කළ බව ද ඒ මහතා කීය.

බන්ධනාගාරයේ සිද්ධිය පිළිබඳව අධිකරණ අමාත්‍යවරයාගේ ස්ථාවය පිළිබඳව පරීක්‍ෂණයක් නොමැති අතර අධිකරණ අමාත්‍යංශයේ ලේකම්වරයා සම්බන්ධයෙන් ද පරීක්‍ෂණ නොමැති බවත් සමාව දීමට අවසානයේ රටේ ජනාධිපතිවරයා අස්සන් කර තිබියදී බන්ධනාගාර නිලධාරීන් ගැන පරීක්‍ෂණ කරන බවත් ඒ මහතා කීය.

ජනාධිපතිවරයාට ලිපිය දුන් ජනාධිපති ලේකම්වරයා, ජනාධිපති ලේකම්වරයාට අධිකරණ අමාත්‍යවරයා හරහා එම අමාත්‍යංහයේ ලේකම්වරිය ලිපිය එවූ බව කී නාමල් රජපක්‍ෂ මහතා පැවසුවේ මෙම සිද්ධියේ ඉහළ නිලදාරීන් පසක තබා ආණ්ඩුවේ වැරැද්ද වසා ගැනීමට පහළ නිලධාරීන් පිළිබඳව පරීක්‍ෂණ කරන බව ද සඳහන් කළේය.

කන්ටේනර් සිද්ධිය පිළිබඳව සොයා බැලීමට ජනාධිපතිවරයා පත්කළ කමිටුවෙන්ම එය කරඇති ක්‍රමවේදය වැරදි යැයි සඳහන් කර ඇති බවත් වර්තමාන ආණ්ඩුව නිලධාරීන් ලවා පසුගිය කාලය රතු කන්ටේනර් නිදහස් කළ බවත් ඒ මහතා කීය.

මෙම වැරැද්ද වසාගැනීමට ද නිලධාරීන් මර්ධනය කිරීමට අනිවාර්යෙන් ආණ්ඩුව කටයුතු කරන බවත් ආණ්ඩුවේ නොහැකියාව වසා ගැනීමට එක පැත්තකින් දේශපාලඥයන් ද, අනෙත් පැත්තෙන් නිලධාරීන් ද මර්ධනය කරන බවත් නාමල් රාජපක්‍ෂ මහතා පැවසීය.

ආණ්ඩුව ඊළගට පුරවැසියා මර්ධනයට කිරීමට කටයුතු කරන බව කී නාමල් රාජපක්‍ෂ මහතා පැවසුවේ කොළඹ නගර සභාවේ නගරාධිපතිවරයා පත්කිරීමට විවෘත ඡන්දයක් ඉල්ලා සිටි මන්ත්‍රීවරියට පහර දී ඇති බවත්ය.