(මනෝප‍්‍රිය ගුණසේකර)

මාධ්‍ය හමුවකදී ජාතීන් අතර අසමගිය ඇති වන ආකාරයේ ප‍්‍රකාශ කළ බවට චෝදනා ලැබ සිටි බස්නාහිර පළාත් හිටපු ආණ්ඩුකාර අසාද් සාලි මහතාට එරෙහිව පොලිසියට පැමිණිලි කළ පාර්ලිමෙන්තු මන්ත‍්‍රීවරුන් තිදෙනාගෙන් වන්දි අයකර දෙන්නැයි අසාද් සාලි මහතා කළ ඉල්ලීම කොළඹ මහාධිකරණ විනිසුරු අමල් රණරාජා මහතා අද ප‍්‍රතිෙක්‍ෂප කළේය.

අසාද් සාලී මහතාට එරෙහිව මෙම නඩුවට පාදක වු සිද්ධිය පිළිබඳව පොලිසියට ද්වේෂ සහගතව පැමිණිලි කළ හිටපු පාර්ලිමෙන්තු මන්ත‍්‍රීවරුන් වන මොහොමඞ් මුසම්මිල්, නිමල් පියතිස්ස සහ ගාමිණි ජයනන්ද වලේබොඩ යන මහත්වරුන්ගෙන් අපරාධ නඩු විධධාන සංග‍්‍රහයේ 17 (2) වගන්තිය යටතේ වන්දි අයකර දෙන්නැයි අසාද් සාලී මහතා වෙනුවෙන් පෙනී සිටි ජනාධිපති නීතීඥ මෛත‍්‍රි ගුණරත්න මහතා කළ ඉල්ලීම සම්බන්ධයෙන් වු කරුණු සළකා බැලීමෙන් අනතුරුව විනිසුරුවරයා එම ඉල්ලීම ප‍්‍රතිෙක්‍ෂප කළේය.

මාධ්‍ය හමුවකදී ජාතීන් අතර අසමගිය ඇති වන ආකාරයේ ප‍්‍රකාශ කළ බවට චෝදනා කරමින් අසාද් සාලි මහතාට එරෙහිව පවරා තිබු නඩුව විභාග කිරීමෙන් අනතුරුව ඔහුට එරෙහි චෝදනා පැමිණිල්ල විසින් සාධාරණ සැකයකින් තොරව ඔප්පු කොට නැතැයි තීරණය කළ විනිුරුවරයා විත්තියේ සාක්කි කැඳවීමකින් තොරවම අසාද් සාලි මහතා නිදොස් කොට නිදහස් කෙරිණ.