(උපාලි ආනන්ද)
මේජර් ජනරාල් ජානක පෙරේරා මහතා ඇතුළු 31 දෙනෙකු මරාගෙන මැරෙන බෝම්බ ප්රහාරයකින් ඝාතනය කිරිමේ සිද්ධියට අදාළ නඩුව යළි ලබන මැයි 2 වැනි දා විභාගයට ගැනීමට අනුරාධපුර විශේෂ මහාධිකරණයේ හිටපු විනිසුරු සහ ගම්පහ පළාත්බද සිවිල් අභියාචනා මහාධිකරණ විනිසුරු ඛේමා ස්වර්ණාධිපති මහත්මිය නියෝග කළාය.
මෙම සිද්ධියට අදාළ නඩු අනුරාධපුර අංක දෙක මහාධිකරණයේ දී ව අද (5) යළි කැඳවිණි. මෙම නඩුවේ ප්රධාන විත්තිකාර උමාර් හබ්තාබි නැමැත්තා එදින දක්වා තවදුරටත් රක්ෂිත බන්ධනාගාරයට පත් කෙරිණි.
මෙම නඩුව විශේෂ නඩු කටයුත්තක් සේ සළකා විභාග කිරිමට අනුරාධපුර විශේෂ මහාධිකරණයේ හිටපු විනිසුරු මෙන්ම ගම්පහ පළාත් බද සිවිල් අභියාචනා මහාධිකරණයේ වත්මන් විනිසුරු ඛේමා ස්වර්ණාධිපති මහත්මිය පත් කළ අතර ඒ අගවිනිසුරුවරයා විසිනි.
පැමිණිල්ල වෙනුවෙන් පෙනී සිටින රජයේ ජ්යෙෂ්ඨ අධිනීතිඥ සුදර්ශන ද සිල්වා සහ විත්තියේ නීතිඥ මහින්ද ජයවර්ධන යන මහත්වරුන් කළ ඉල්ලීමකට අනුව විනිසුරු ස්වර්ණාධිපති මහත්මිය මෙලෙස පත් කරනු ලැබුවාය.
මේජර් ජෙනරාල් ජානක පෙරේරා මහතා ඇතුළු 31 දෙනෙකු අනුරාධපුරයේ දී මරාගෙන මැරෙන බෝම්බ ප්රහාරයකින් ඝාතනය කිරිමේ සිද්ධිය සම්බන්ධයෙන් අනුරාධපුර විශේෂ මහාධිකරණය හමුවේ අධිචෝදනා ලබා සිටින මෙම ප්රධාන විත්තිකරු වසර පහකට අධික කාලයක් අඛණ්ඩව රක්ෂිත බන්ධනාගාර බාරයේ පසුවිය.
ප්රධාන විත්තිකාර උමාර් හබ්තාබි නැමැත්තාට එරෙහිව නීතිපතිවරයා විසින් අනුරාධපුර විශේෂ මහාධිකරණය හමුවේ වෙන් වෙන්ව අධි චෝදනා 48 ක් ගොනු කර තිබිණි.
මේ අතර මෙම අපරාධයට ආධාර අනුබල දුන් බවත් ඒ සදහා කුමන්ත්රණය කළ බවටත් අධිකරණය හමුවේ වරද පිළිගත් එල්.ටී.ටී.ඊ සංවිධානයේ මරාගෙන මැරෙන බෝම්බ පුපුරුවා හැරිමේ අංශයේ හිටපු කර්නල්වරයකුට වසර 20 ක බරපතල වැඩ සහිත සිරදඬුවමක් උතුරුමැද පළාත් බද මහාධිකරණයෙන් මීට පෙර නියම කළේය.
මෙම අපරාධයට ආධාර අනුබලදීමේ වරදට වසර දහයක් ද කුමන්ත්රණය කිරිමේ වරදට වසර දහයක් ද වශයෙන් වෙන් වෙන්ව මෙම විසි වසරක බරපතල වැඩ සහිත සිරදඬුවම නියම කෙරිණි.
එලෙස මීට පෙර සිරදඬුවම් නියම කෙරුණේ දෙවැනි විත්තිකාර මඩකලපුව චෙන්කලඅඩි පදිංචිකරුවකු වන සම්මුගනාදන් සුදාහරන් නැමැති කොටි සංවිධානයේ මරාගෙන මැරෙන බෝමිබ පුපුරුවා හැරිමේ අංශයේ හිටපු කර්නල්වරයකුටය.
මෙම අපරාධයට ආධාර අනුබල දුන් බවට සැකකරුවන් නව දෙනෙකු මීට පෙර අනුරාධපුර ප්රධාන මහෙස්ත්රාත් අධිකරණය හමුවේ චෝදනා ලබා සිටි අතර ඉන් සැකකරුවන් හත් දෙනෙකු එම චෝදනා වලින් නිදහස් කර මුදා හැරිමට එවකට අනුරාධපුර ප්රධාන මහේස්ත්රාත්වරයා සිටි වත්මන් කැස්බෑව ප්රධාන මහේස්ත්රාත් රුචිර වැලිවත්ත මහතා නියෝග කළේය.
ඒ එම සැකකරුවන්ට එරෙහිව මහාධිකරණය හමුවේ අධි චෝදනා ගොනු කිරිමට තරම් අවැසි සාක්කි නොමැති බවට නීතිපතිවරයා විසින් අධිකරණයට කර තිබු ලිඛිත දැනුම්දීමක් සැළකිල්ලට ගනිමිනි. මේජර් ජෙනරාල් ජානක පෙරේරා මහතා ඇතුළු 31 දෙනෙකු අනුරාධපුරයේ දී මරාගෙන මැරෙන බෝම්බ ප්රහාරයකින් ඝාතනය කෙරුණේ 2008 වසරේ ඔක්තෝබර් 6 වැනි දාය.
පැමිණිල්ල වෙනුවෙන් රජයේ ජ්යෙෂ්ඨ අධි නීතිඥ සුදර්ශන ද සිල්වා, සහ රහස් පොලිසියේ නිළධාරිහූ පෙනී සිටිති. අගතියට පත් පාර්ශවයේ අයිතිවාසිකමි වෙනුවෙන් ජනාධිපති නීතිඥ කරුණාරත්න හේරත් මහතා සහ ජ්යෙෂ්ඨ නීතිඥ චාන්දනී හටංගල, මහත්මිය ඇතුළු නීතිඥයින් කණ්ඩායමක් පෙනී සිටි අතර විත්තිකරු වෙනුවෙන් නීතිඥ මහින්ද ජයවර්ධන මහතා පෙනී සිටියේය.
අධ්යයන පොදු සහතික පත්ර උසස් පෙළ 2023 විභාගයේ ප්රතිඵල නිකුත් කිරීමට මේ මස අවසන් සතියේ පමණ හැකිවනු ඇතැයි විභාග දෙපාර්තමේන්තු ආරංචි මාර්ග සඳහන් කරයි.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අහංගම ගොයියපාන මුහුදු තිරයේ දියේ ගිලෙමින් සිටි යුක්රේන් ජාතික විදේශිය කාන්තාවක් බේරාගැනිම සදහා අද (01) මුහුදට පනිනු ලැබු පුද්ගලයකු දියවැලකට හසුවිමෙ
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මේජර් ජනරාල් ජානකගේ නඩුව මැයි 2 වැනි දා කැඳවීමට නියෝග
විජිත් Friday, 05 April 2019 11:58 AM
එතකොට බැසිල් ...?
Chanak Los angelesSaturday, 06 April 2019 05:14 AM
හැංගිලා..
samanSaturday, 06 April 2019 10:50 AM
මමත් අහලා තියෙනවා ඔය කියන කෙනාලු මරාගෙන මැරෙන කොටියාව සල්ලිවලට ගත්තේ...
Chanak Los angeles Friday, 05 April 2019 08:23 PM
මේවා කොටි දෙවෙනියව හුරතල් කරමින් ඔහුව යොදවාගෙන කරපු ඝාතන .. ඇයි අර මර්වින් සිල්වා කියන්නේ ප්රසිද්ධියේම වෙන්ඩ බලන් ඉන්න ජනපති මර්වින් ඉදිරිපිටම ආපු ෆෝන් කෝල් එකකට කීවා කියලා ෂූට් ද බගර් කියලා .. වෙන මොන සාක්ෂිද ?
piyasiri Saturday, 06 April 2019 09:05 PM
සමන්, ඒ කතාව මුළු ලංකාවම දන්නවා.නමුත් ඔය කියන හොර දෙටුවාගේ ඒ කාලයේ තිබුන දේශපාලන හයිය නිසා ඒ කතාව වැළලී ගියා.හැබැයි දවසක ඔය කතාව ඇදලා ගත්තොතින් ජනක පෙරේරාගේ කතාව විතරක් නොවෙයි,ජෙයරාජ් ගේ ඝාතනයට කොටියාව ගත්ත හැටිත් එලිවේවි.
abaran Sunday, 07 April 2019 10:23 AM
අයියෝ නිකං කාලය නාස්ති කරනවා.. මේවගේ අගක් මුලක් කවදාවත් හම්බවෙන්නේ නෑ.. නිකරුනේ මහජන මුදල් යොදවනවා..
dhammika Monday, 08 April 2019 11:48 PM
නැහැ මේවට තමයි නන්නාදුනන තුවක්කු කරුවන් ඉන්නේ. දුෂිත දෙස්පාලුවා දැක්කද, දෙනවා ඕඩර් එක සල්ලිත් එක්ක. ඉවරයි.රටට යහපතක්.