නිල සංචාරක් සදහා දිවයිනට පැමිණ සිටින සිංගප්පූරු අග්‍රාමාත්‍ය ලී ෂියෑන් ලූන් මහතා අද (23) පෙරවරුවේ ජනාධිපති කාර්යාලයේදී ජනාධිපති   මෛත්‍රීපාල සිරිසේන මහතා හමු විය.
 
ජනාධිපති කාර්යාලය වෙත පැමිණි සිංගප්පුරු අග්‍රාමාත්‍යවරයා සහ එම මැතිණිය ජනාධිපති මෛත්‍රීපාල සිරිසේන මහතා සහ ජයන්ති සිරිසේන මහත්මිය විසින්    උණුසුම් ලෙස පිළිගනු ලැබිණි. ආචාර වෙඩිමුර සහිතව හමුදා උත්තමාචාර   ද පිරිනැමිණි. 
 
නායක දෙපළ අතර සුහද කථා බහකින් අනතුරුව ද්විපාර්ශ්වික සාකච්ඡා ආරම්භ කෙරිණි.
දෙරට අතර ආර්ථීක, වෙළෙද සහ ආයෝජන සහයෝගීතාවය වර්ධනය කර ගැනීම පිළිබඳව මෙහිදී නායකයින් දීර්ඝ වශයෙන් සාකච්ඡා කළහ. 
 
එමෙන්ම දෙරට අතර වෙළෙද කටයුතු සීග්‍රයෙන් ඉදිරියට ගෙනයාමේ නිදහස් වෙළෙඳ ගිවිසුමකට ද  අත්සන් තැබිණි.  මෙහිදී අදහස් දැක්වූ සිංගප්පූරු අග්‍රාමාත්‍යවරයා ප්‍රකාශ කළේ දෙරට අතර අත්සන් තැබුණු මෙම නව ගිවිසුම මගින් වෙළෙද සහ ආයෝජන ක්ෂේත්‍ර තුළ දෙරටටම ප්‍රතිලාභ සැලසෙන නව අවස්ථා රැසක් ඉදිරියේදී නිර්මාණය වනු ඇති බවයි.