(ටී.කේ.ජී.කපිල )

එක්සත් අරාබි එමීර් රාජ්‍යයේ , අබුඩාබි නුවර රැදී සිටිමින් , මැදපෙරදිග යුද්ධයේ දී භාවිතා කළ ඩ්‍රෝන යානා , මිසයිල වල ජායාරූප , වීඩීයෝ දර්ශන තම ජංගම දුරකථන වල තබා ගනිමින් , ඒවාට සිය කැමැත්ත ( Like ) සහ අදහස් ප්‍රකාශ කිරීම ( Coments ) යන චෝදනා මත එරට ආරක්ෂක අංශ විසින් අත් අඩංගුවට ගෙන , රක්ෂිත බන්ධනාගාර ගත කර සිටි ශ්‍රී ලාංකික තරුණයන් 07 දෙනකු , එරටින් පිටුවහල් කර කටුනායක ගුවන් තොටුපොළ වෙත එවා තිබුණි .

ඔවුන් කටුනායක ගුවන් තොටුපොළ වෙත පැමිණි පසු , ශ්‍රී ලංකාව තුළ ඔවුන් පාතාල ක්‍රියාකාරකම් , සංවිධානාත්මක අපරාධ කල්ලි සමග හෝ මත්ද්‍රව්‍ය ජාලය සමග සම්බන්ධතා පවත්වා ඇත් ද යන්න , කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් , රාජ්‍ය බුද්ධි සේවයේ නිලධාරීන් සහ පොලිස් මත්ද්‍රව්‍ය කාර්යාංශයේ නිලධාරීන් එක්ව විමර්ශන ආරම්භ කර තිබේ .