2025 නොවැම්බර් මස 23 වන ඉරිදා
(යොහාන් භාසුර)
ලංකා විදුලි පෞද්ගලික සමාගම හෙවත් ‘ලෙකෝ’ සභාපතිවරයාට වර්තමාන ආණ්ඩුව යටතේ රුපියල් ලක්ෂ 800 ක් හෙවත් රුපියල් කෝටි 8 ක් වටිනා අති සුඛෝපභෝගී කාර් රථයක් ඇන්වුම්කර ඇති බවත් එම කාර් රථය ඉදිරි දින කීපයේ මෙරටට ළඟාවීමට නියමිත බවත් ‘ලෙකෝ’ සමාගමේ සේවකයෝ පවසති.
රජයට වැඩි කොටස් ප්‍රතිශතයක් හිමි සමාගමක් වන ‘ලෙකෝ’ සමාගමේ සභාපතිවරයාගේ පාවිච්චියට ‘බෙන්ස්’ රථයක් තිබියදී මෙසේ නව ‘බෙන්ස්’ රථයක් ඇනවුම් කිරීම රාජ්‍ය මුදල් අවභාවත කිරීමක් බව කියන එහි සේවකයෝ එම සමාගමේ සෙසු නිලධාරීන්ගේ පාවිච්චියට යැයි පවසමින් බීයිඩී වාහන 10කට ආසන්න සංඛ්‍යාවක් ද පසුගියදා මිලදී ගත් බව ද සඳහන් කළහ.
ජනාධිපති අනුර කුමාර දිසානායක මහතා ප්‍රමුඛ ජාතික ජනබලවේග ආණ්ඩුව පත්වීමෙන් පසුව ‘ලෙකෝ’ සභාපති තනතුරට පත්කළ ජානක අලුත්ගේ මහතාගේ කාලයේ මෙම ‘බෙන්ස්’ රථය ඇනවුම් කළ බවත් මෙම ඇනවුම් කිරීමේදී අදාල වාහන ආනයනය කරන සමාගම සතුව ඇති ‘රිදී’ (සිල්වර්) පාට බෙන්ස් රථයක් රුපියල් ලක්ෂ 700 ක් හෙවත් කෝටි 7 කට සැපයීමට යෝජනා කළ ද කළු පාට කාර් රථයක්ම ඉල්ලීම නිසා නව රථයක් ආයතනය කිරීමට සිදුවූ බවත් එහි සේවකයෝ පැවසූහ.
‘මාලිමා’ ආණ්ඩුව පත්වීමෙන් පසුව ‘ලෙකෝ’ සමාගමේ සභාපතිවරයා ලෙස කටයුතු කළ අතුල සිල්වා මහතා ඉවත්කර ජනක අලුත්ගේ මහතා පත්කළ බවත් ඉන් පසුව ඔහු ඉවත් කර වර්තමාන සභාපති කනිෂ්ක ජයසේකර මහතා පත්කළ අතර ඒ මහතා මීට දින කීපයකට පෙර සභාපති ධුරයේ වැඩ ආරම්භ කළ බවත් සේවකයෝ පවැසූහ.
‘ලෙකෝ’ සමාගමේ මීට පෙර සිටි සභාපතිවරුගේ පාවිච්චියට 2009 සහ 2013 වසරවල සුපිරි වාහන මිලදී ගෙන තිබූ බව කියන සේවකයෝ සඳහන් කළේ එම වාහන වර්තමානයේ ද වඩාත් හොඳ තත්වයේ පවතින බවයි.
‘ලෙකෝ’ සමාගමේ ඉහළ කළමණාකාරිත්වයේ පාවිච්චියට ඊට පෙර සිටි සභාපතිවරු ඇතුළු උසස් නිලධාරීන් මිලදීගත් අලුත් වාහන ඇති බවත් ඒවා පාවිච්චි නොකර මෙම ආණ්ඩුව යටතේ අධික මිල අති සුඛෝපභෝගී වාහන මිලදී ගැනීම අනුමත කළ නොහැකි බවවත් සේවකයෝ පැවසූහ.
විදුලිබල අමාත්‍යංශයේ වර්තමාන ලේකම් මහාචාර්ය උදයංග හේමපාල මහතා විදුලිබල මණ්ඩලයේ සභාපතිවරයා ලෙස කටයුතු කරන බැවින් ඔහු නිල බලයෙන් ‘ලෙකෝ’ සමාගමේ අධ්‍යක්‍ෂ මණ්ඩලය නියෝජනය කරන බව කියන ‘ලෙකෝ’ සේවකයෝ මෙවැනි මුදල් නාස්ති වැලැක්වීමට වර්තමාන ආණ්ඩුවට ද උවමනාවක් නොමැති යැයි මෙවැනි සිද්ධීවලින් පැහැදිළි වන බව ද සඳහන් කළහ.
‘ලෙකෝ’ සමාගම මේ ආකාරයට මුදල් නාස්ති කළ පසු එම පාඩු පාරිභෝගික ජනතාවගෙන් අයකරගන්නා බව කියන එහි සේවකයෝ ‘ලෙකෝ’ සමාගම සපයන සේවාවල ගාස්තු ඉතාම ඉහළ අගයක් ගන්නා බව ද සඳහන් කළහ.
‘ලෙකෝ’ සමාගමේ වර්තමාන සභාපති ඉංජිනේරු කනිෂ්ක ජයසේකර මහතාගෙන් මෙම අති සුඛෝපභෝගී කාර් රථය පිළිබඳව කළ විමසුමකදී පැවසුවේ බෙන්ස් රථයක් ඇනවුම්කර තිබුණ ද එම රථය මේ දක්වා ලැබී නොමැති අතර එය සිය කාලයේ ඇනවුම් කළ රථයක් නොවන බවත් තමන් වැඩ භාරගෙන දින කීපයක් පමණක් ගතවී ඇති බවත්ය.
එම රථය ගැනීම පිළිබඳව ගැටලුවක් ඇතැනම් එය පාවිච්චි කිරීමෙන් වැළකෙන බවත් එම රථය නියමිත ක්‍රියාපටිපාටියට ගෙන ඇද්දැයි සොයා බලමින් සිටින බවත් ඒ මහතා කීය.
ඔහු දන්නා කාලයේ සිට සුපිරි වාහන පාවිච්චි කළ පුද්ගලයෙක් වීම නිසා මෙම බෙන්ස් රථය පාවිච්චි කිරීමේ උවමනාවක් නොමැති බව කී කනිෂ්ක ජයසේකර මහතා එය වෙනත් කෙනෙකුට අවශ්‍ය නම් දෙන බව ද වැඩි දුරටත් සඳහන් කළේය.
මෙම ‘බෙන්ස්’ රථය පිළිබඳව එහි හිටපු සභාපති ජානක අලුත්ගේ මහතාගෙන් කළ විමසුමකදී පැවසුවේ ඒ පිළිබඳව දැන් සිටින නිලධාරීන්ගෙන්ම විමසුවහොත් වඩාත් හොඳ බවත් එම රථය ඇනවුම් කළේ කවුද? ඇනවුම් කිරීමට හේතුව කුමක්ද? යන්න වර්තමාන සභාපති නොව ඉන්න අයිත් අයගෙන්ම අහගත යුතු බවත්ය.
2025 නොවැම්බර් මස 21
45
0
ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක
2025 නොවැම්බර් මස 17
152
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1006
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
‘ලෙකෝ’ සභාපතිට කෝටි 8 ක සැප රියක් ඇනවුම් කරලා?
ලුම්බිණි Tuesday, 18 November 2025 04:23 AM
රජය මොක උනත් නිලධාරින් එදා වගේමයි .
Perera Tuesday, 18 November 2025 05:09 AM
ඕහොම යමු ඔහොම යමු, අවුරුදු 5 අවසානයේ මාලිමාවේ ප්‍රගතිය බලලා එක්කෝ උන්ව නැවත පත් කරනවා, නැත්නම් අනිත් එවුන්ව එලවලා දාලා එලවපු එවුන්ව නැවත පත් කරනවා. වෙන මොනවා කරන්නද?
Wanniarachchi Tuesday, 18 November 2025 08:46 AM
පුනරුදේ දොරේ ගලනවා. ඊලග චන්දෙට ලෑස්තිවෙන්න ආණ්ඩුව විපක්ෂෙට චන්ද ටික හදල දෙනවා
රනී Tuesday, 18 November 2025 08:55 AM
ස්තුතියි ලංකාදීප,
අරවින්ද මොණරවිල Tuesday, 18 November 2025 09:17 AM
අවුලක් නැහැ අවුලක් නැහැ, පච කුමාරයාගේ කැම්පස් එකේ යාළුවෙක් වෙන්න ඇති මල්ලී........
Frencis Tuesday, 18 November 2025 11:39 AM
මොකද අරවින්ද වුනේ ඔලුව ගලකවත් වැදුනද හිටිගමන්ම කරකැවිල්ල හැවුනද .ඇත්තෙන්ම පඩුකරද ගහේ දේවතාවිය කෝටි ගණනක් කාබාසිනියා කලා නැගෙනහිර පර්‍යන්තයෙන් තවත් කෝටි ගණනත් පාඩුවුනා මගේ පැටව් විසිතුරුයි කියල කපුට කියද්දී උනහපුලුවට උගෙ පැටිව් මැණිකක්ලු මොනරවිල බ්‍රෝ ඔය සභාපති වත්මන් පාලකයො පත්කල නිසා වරදක් නැතුව ඇතිනේ
පන්සිළු Tuesday, 18 November 2025 09:38 AM
හැමතැනටම මාලිමා ගැත්තන් ඔබාගෙන , සියලු හොර වැඩ වසාගෙන , බුදුදහම සහ හෙළ ජාතිය විනාශ කරන්න දත කන පුදුම දුර්දාන්ත යුගයක් මේ.
Lalla Tuesday, 18 November 2025 10:31 AM
,රටේ විදේශ විනිමය සංචිත නාස්තිකාර ලෙස වැයකරමින් අධි සුඛෝපභෝගී වාහන ගෙන්වීම තහනමට ලක්විය යුතු නොවේද? මේ රථ පාවිච්චි කරන්නන් සතයක හෝ විදේශ විනිමය ඉපයූවන් නොවේ නේද?
BBC Tuesday, 18 November 2025 10:49 AM
සියලු රාජ්‍ය වාහන ටොයෝට කොරොල්ල, කැම්රි , ටොයෝට කැබ් , මහේද්‍රා,සුසුකි, නිසාන්, සහ ලාභ BYD වලින් ගන්න ඕනේ. බදුත් එක්ක මිල ලක්ෂ 250 ට අඩු වෙන්න ඕනේ ,මේවා නීති මගින් ගෙනෙන්න ඕනේ සුපිරි ප්‍රාඩෝ, BMW ,Bens ඕනේ නම් තමන්ගේ වියදමින් ඒවා ගන්න කියල නීතියක් ගෙනෙන්න ඕනේ. ඕක කරලා තියෙන්නේ මාලිමාවෙන් දාපු එකෙක් නම්, උව උල තියන්න ඕනේ . මේ සුපිරි වාහන රටට බරක්
Bunny Preena Tuesday, 18 November 2025 10:53 AM
ඇයි මාලිමා රජයට බැරි ආයතන ප්‍රධානීන්ට හෝ මැති ඇමතිවරුන්ට ගෙන්වන වාහන වල උපරිම වටිනාකම කෝටි දෙක ඉක්මවා නොයා යුතුයි කියන නීතියක් පනවන්න. බලා ගෙන ගියාම ඔක්කොමලාම හොර ගල් අහුලනවා වගෙයි , මටනම් පෙනෙන්නේ. මේවා කැත වැඩ.
ජෙච පප්පා Tuesday, 18 November 2025 11:02 AM
පොඩ්ඩක් ඉන්න පැහැදිලි කරන්නම්...
ගුණරත්න Tuesday, 18 November 2025 11:46 AM
අයියෝ සැප මදි නේ, ගිය ආණ්ඩු කාලේ බීලා බීලා ... ජෙපි කොමන්ටු.
fairoos Tuesday, 18 November 2025 11:57 AM
NPP ආණ්ඩුවට මඩ ගහන්න කරපු වැඩක්
Rata Perata Tuesday, 18 November 2025 12:55 PM
ඕනෑම දේයක සාමාන්‍ය ක්‍රියාකාරිත්වය තේරුම් අරගෙන වාර්තාකරණය කිරිම තරම් නියම ජනමාධ්‍යකරණය... ඕනෑම හොද රජයක නුසුදුසු ක්‍රියා සිදු විය හැකිය..
de silva berlin Tuesday, 18 November 2025 01:28 PM
ඔය නිලධාරියාටත් අර මන්ත්‍රීවරුන්ට දෙන ජාතියේ කැබ් එකක් දෙන්න බැරිද ? හදිසියක වයර් රෝලක් වුනත් එකේ පටවාගෙන රටේ ඕනෙම දුෂ්කර පාරක යන්න පුළුවන් බෙන්ස් එකේ එහෙම බැහැ , මේවා සම්පුර්ණයෙන්ම පුද්ගලික අංශයට දෙන්න ඕනේ කියන්නේ මෙවැනි වැඩ නිසා , කවුරු ඇනවුම් කලත් මේවා මේවාත් අපේ විදුලි බිලට එකතු වෙනවා ,