වසර පහළොවකට පෙර කොටි සංවිධානය විසින් මිසයිල ප්‍රහාරයකින් යාපනයේ ඉරණතිව් මුහුදු සීමාවේ වනසා දැමූ ඇන්ටනෝව් 24 ගුවන් යානයේ කොටස් කිහිපයක් ඉරණතිව් දූපතට මුහුදු සැතපුම් හතරක් උතුරින් පිහිටි ස්ථානයකින් සෙනසුරාදා ගොඩ ගැනීමට යයි.

කාර්ය මණ්ඩලය ද, රුසියා ජාතික ගුවන් නියමුවන් හතර දෙනාද  ඇතුළු 61 දෙනෙක් මේ අනතුරින් මරුමුවට පත් වූහ.

යානය කෑලි 16කට කැඩී ඇති බව කිමිදුම්කරුවෝ අද සොයා ගත්හ.

උසාවි නියෝගයකින් මේ යානය ගොඩ ගෙන ත්‍රිකුණාමල නාවික හමුදාව වෙත ගෙන ඒමට නියමිතය.

පුරාවිද්‍යා දෙපාර්තමේන්තුව, රජයේ රස පරීක්ෂක, නීතිපති, මිනුම්පති, පොලීසිය හා හමුදාව ද මේ අවස්ථාවට සහභාගී වෙයි.