(ප්‍රසංග පෙරේරා සහ පුෂ්පකුමාර මල්ලවාරච්චි)

ශ්‍රී ලංකාවේ ප්‍රථම වතාවට කැමරාවක් මගින් යුස්ටේකීය නාලයේ අවහිරතා ඉවත් කිරීමේ සාර්ථක ශල්‍ය කර්මයක් මීගමුව රෝහලේදී අද දින සිදු  කරනු ලැබීය.

එන්ඩෝස්කොපි ඉස්ටේකියන් ටියුබ් සර්ජරි හෙවත් සියුම් කුඩා ප්‍රමාණයේ කැමරාවක් කනේ යූස්ටේකීය නාලයේ අවහිරතා ඉවත් කිරීමේ ශල්‍යකර්මයක් ශ්‍රී ලංකාවේදී   ප්‍රථම  වතාවට මීගමුව දිස්ත්‍රික් රෝහලේ දී සිදු කරන ලද්දේ කන, උගුර සහ ගෙල සම්බන්ධයෙන් විශේෂඥ ශල්‍ය වෛද්‍ය විද්‍යා නිධිරිශ්නි ශකාෆ් මහතා විසිනි.

යමක් ශ්‍රවණය කිරීමට මිනිස් සිරුරක ඇති වැදගත්කම සහ එකම ඉන්ද්‍රිය වන්නේ කන හෙවත් සවනයි.

එහෙත් සමහර විටක හඬ සහ ශබ්ද ඇසීමේ අවහිරතා හෙවත් ශ්‍රවණ අවහිරතා මතුවීමට ඉඩ තිබේ. කනේහි ඇති වන එවැනි අවහිරතා තත්වයන් බොහෝ විට අප හදුන්වන්නේ කන අගුල් වැටෙනවා යනුවෙනි.

එවැනි අවස්ථාවක් ස්ථිර ලෙසම පැවතිය හොත් අවට පරිසරයේ හඬ ශබ්ද මෙන්ම අප කතා බහා කරන දේ පවා ඇසීමට නොහැකි තත්වයකට පත්වේ.

කන් ඇහෙන්නේ නැතිව යනවා යනුවෙන් අප පවසන්නේ එවැනි තත්වයකී.

කනෙහි එවැනි තත්වයක් ඇතිවීමට කරුණු කිහිපයක් බලපෑ හැකිය.

එනම් මැද කනෙහි සෙම පිරී තිබීම හෝ මැද කනේ පීඩනයේ ඇතිවන වෙනස් වීම් නොඑසේනම් මැද කනෙහි ආසාදනයක් නිසා හෝ විශබීජයක් නිසා සැරව ඇති වීම, එමෙන්ම කනේ කර්ණපඨහාපටලය හෙවත් කන් බෙරයේ ඇති වන විශේෂිත තත්වයෙන් ආදී හේතූන් නිසාවෙන් කන් ඇසීම නිසි ලෙස සිදු නොවන්නට ඉඩ තිබේ.

එවැනි තත්වයක් ඇතිවීමට ප්‍රධාන වශයෙන් ම බලපානු ලබන්නේ කනෙහි ඇති යුෂ්ටේඛීය නාලයේ අවහිරතාවය න් ය. එවැනි අවස්ථාවක මෙරට රෝහල් වලදී මෙතෙක් සිදු කලේ එම රෝගියා ගේ කනෙහි කන් බෙරයේ ඉතා සියුම් සිදුරක් ඇති කර මැද කනෙහි ඇති සෙම හෝ වෙනත් විශබීජයක් වේ නම් එවා පිටතට ගැනීමයි. නොඑසේ නම් කන් බෙරයට සියුම් ප්ලාස්ටික් බටයක් දමා මැද කනෙහි ඇති සෙම හෝ විශබීජ පිටතට ගැනීමයි.

මෙවැනි තත්වයකදී එවැනි ශල්‍යකර්මයකට ලක්වන රෝගියකු යම් ආකාරයක අවදානම් සහිත තත්වයකට වුවද ලක් වීමට බෙහෙවින් ම ඉඩ තිබේ. එහෙත් මෙරට රෝහලකදී ප්‍රථම වතාවට  මීගමුව දිස්ත්‍රික් මහ රෝහලේදී සිදු කළ මෙම සුවිශේෂී ශල්‍යකර්මය තුලින් එම යුෂ්ටේකීය නාලය තුළ පවතින සියළු අවහිරතාවන් ඉවත් කරනුයේ කනෙහි ඇති කර්ණපටහා පටලය සිදුරු කිරීමක් හෝ පලුදු කිරීමක් සිදු නොකර වීම මෙහි ඇති විශේෂත්වයයි.

ඒ අනුව මීගමුව දිස්ත්‍රික් මහ රෝහලේදී දී ප්‍රථමයෙන්ම මෙම ශල්‍යකර්මය වයස අවරුදු 47 ක් වන කාන්තාවකට, වයස අවරුදු 11 ක පිරිමි ළමයකුට හා 68 හැවිරිදි කාන්තාවකට සිදු කරනු ලැබීය.

මේ සදහා අවශ්‍ය වන ශල්‍ය උපකරණ මෙරට නොවු අතර එම උපකරණ විශේෂද ශල්‍ය වෙෙද්‍ය රිශ්නි සකාෆ් මහතා පෞද්ගලිකව මෙරටට ගෙන්වා ඇත.

මීට මාස 02 කට පමණ පෙර මීගමුව රෝහලේ සේවය සදහා පැමිණ ඇති විශේෂඤ ශල්‍ය වෛද්‍ය රිස්නි සකාෆ් මහතා හලාවත, කුලියාපිටිය, හෝමාගම , වතුපිටිවල, කොළඹ ජාතික රෝහලේද සේවය කර ඇති අතර එංගලන්ත ය , ඕස්ට්‍රේලියාව, ස්විස්ටර්ලන්තය, සහ ජර්මනියේ රෝහල් වල විශේෂ අත්දැකීම් ලද අයෙකී .

මීගමුව මහා රෝහලේ දී සිදු කළ මෙම සුවිශේෂී ශල්‍ය කර්ම ය සදහා වෛද්‍යවරුන් 11 ක් ඇතුළු හෙද රෝහල් කාර්ය මණ්ඩලයක් සහභාගී වී තිබේ.