(රෝහණ සමරවීර සහ ජයන්ත නානායක්කාර)

උඩවලව පනහඩුව වැවේ ටියුබයක ආධාරයෙන් මත්ස්‍යයන් ඇල්ලීමට ගිය දෙදෙනකු දිගි ගලීමෙන් ඒක් අයකු අතරුදන්ව  අනෙත් පුද්ගලයාගේ මියගොස් ඇතැයි උඩවලව පොලිසිය කියයි.

දියේ ගිලී මියගොස් ඇත්තේ උඩවලව පනහඩුව වැවේවත්ත ප්‍රදේශයේ පදිංචි සම්පත් දිසානායකලාගේ සමීර සම්පත් ප්‍රේමතිලක නැමති විසි නව හැවිරිදි අයකු බව පොලිසිය පවසයි.

මහආර ප්‍රදේශයේ පදිංචි රත්නායක ආරච්චිලාගේ අනුර ක්‍රිෂාන්ත රත්නායක නැමැති තිස් හැවිරිදි අයකු එසේ දියේ ගිලී අතුරුදන්ව ඇති බවත් එම තැනැත්තා යුද හමුදා බුද්ධි බළකායේ සේවයේ යෙදී සිටින උඩවලව පනහඩුව මහආර ප්‍රදේශයේ පදිංචි දෙදරු පියකු බවද පොලිසිය පවසයි.

එම යුද හමුදා කෝපල් නිවාඩු ලබා නිවසට පැමිනිමෙන් අනතුරුව ප්‍රදේශ වාසියකු සමග පනහඩුව වැවට ගොස් මාළු අල්ලමින් සිටින අවස්ථාවේ එම ඛේදවාචකයට මුහුණදීමට සිදුවී ඇතැයි පොලිසිය කියයි.

හුලං පිරවූ ටියුබයක් ආධාර කරගෙන පනහඩුව වැවේ ජලය මත පාවෙමින් සිටියදී ජලයේ ගිලී ඇති බවත් එය දුටු ප්‍රදේශ වාසියකු  පොලිසියට පවසා ඇත.