පුද්ගලයන් ලියාපදිංචි කිරීමේ දෙපාර්තමේන්තුවේ වැඩ යළි නවතී

(යොහාන් භාසුර)

පුද්ගලයන් ලියාපදිංචි කිරීමේ දෙපාර්තමේන්තුවේ පරිගණක පද්ධතිය නැවතත් අක්‍රියවීම හේතුවෙන් එම දෙපාර්තමේන්තුව ජනතාවට සපයන සියලුම සේවාවන් හෙට (17) දිනයේ ක්‍රියාත්මක නොවන බව පුද්ගලයන් ලියාපදිංචි කිරීමේ කොමසාරිස් ජනරාල් එච්. එම්. ජේ. එම්. හේරත් නිවේදනයක් නිකුත් කරමින් පවසයි.

ඒ අනුව පත්තරමුල්ලේ පිහිටි පුද්ගලයන් ලියාපදිංචි කිරීමේ දෙපාර්තමේන්තුවේ ප්‍රධාන කාර්යාලයෙන් සහ එම දෙපාර්තමේන්තුවේ සෙසු පළාත් කාර්යාලවලින් හෙට දිනයේ සේවාවන් ලබාගත නොහැකි බවත් එම දෙපාර්තමේන්තුව පරිගණක පද්ධතියේ හදිසි බිඳ වැටීම යථා තත්වයට පත් කිරීමට කටයුතු කරමින් සිටින බවත් පුද්ගලයන් ලියාපදිංචි කිරීමේ කොමසාරිස් ජනරාල් වැඩිදුරටත් සඳහන් කරයි