ජනපති රටට දුන් ආදර්ශ මිල කරන්න බෑ

(අංජුල මහික වීරරත්න සහ සුජිත් හේවාජුලිගෙ)

ජනාධිපති රටට ලබාදී තිබෙන ආදර්ශ මිල කළ නොහැකි බව මහජන ආරක්ෂක සහ සහ පාර්ලිමේන්තු කටයුතු අමාත්‍ය ආනන්ද විජේපාල මහතා පාර්ලිමේන්තුවේදී පැවසීය.

"අපේ ජනාධිපතිතුමා වාහන 24ක් පාවිච්චි කරමින් පාරේ ගියා යැයි චෝදනාවක් එල්ල වුණා.තව ටික වෙලාවක් පාරේ හිටියා නම් වාහන දෙතුන් සීයක් ගණන් කරගන්න පුළුවන් කම තිබුණා.අනුර දිසානායක ජනාධිපතිතුමා පාවිච්චි කරන්නේ ඉතා සීමිත වාහන ප්‍රමාණයක්. ජනපති බලයට පත්වීමෙන් පසුව ආර්ථික මෙන්ම දේශපාලන ස්ථාවරත්වය ඇතිකර තියෙනවා. දේශපාලන සංස්කෘතිය වෙනස් කරමින් දැවැන්ත ආදර්ශ ප්‍රමාණයක් ලබාදී තියෙනවා.ඒ ආදර්ශ හරහා නිර්මාණ වන බොහෝ දෑ වල වටිනාකම් මුදලින් තක්සේරු කරන්න හැකියාවක් නැහැ. ගෙවී ගිය වසර තුළ ඔහු ලබා දුන් ආදර්ශ මෙන්ම නායකත්වය අයවැයේ සඳහන් ගණන් හිලව් වලටත් වඩා මිල කළ නොහැකියි.ඒ ආදර්ශ අනාගත පරපුරට ධන නිධානයක් වනු ඇතැයි මා විශ්වාස කරනවා යනුවෙන්ද අමාත්‍යවරයා පැවසීය.

අදහස් (5)

ජනපති රටට දුන් ආදර්ශ මිල කරන්න බෑ

චමින්ද Sunday, 16 November 2025 11:11 AM

අපෝයි ඔව්... 150 පෙට්‍රොල්,ලයිට් බිල 33% අඩු කිරීම, රජයේ වාහන පාවිච්චිය සහ ඩබල් කැබ් ගෙන්වීම.බැලූ බැල්මට කිව්ව දේවල් උනේ නෑ නේද? Imf පතුරු ගහලා රනිල්ව නැතිකරලා අද රහ කර කර ඒකම කරනවා...

: 2 51

Don perea Sunday, 16 November 2025 12:07 PM

අපිට බොරු කියන හැටිද?

: 2 42

Toni Sunday, 16 November 2025 02:59 PM

පුදුම ආදර්ශයක් තමයි දීලා තියෙන්නේ. කප්පරක් බොරු කියලා බලයට ඇවිල්ලා. බොරුවෙන්ම ජීවත් වන විදිහ ගැන මාර ආදර්ශයක් දීලා තියෙන්නේ.

: 4 37

සම්පත් Sunday, 16 November 2025 04:08 PM

කාට කියන්නද මේවා. අලි කොටි දෙන්නම් කිව්වා. 150 පෙට්‍රල්, 33% ලයිට් බිල අඩු කිරීම, ජීවන බර අඩුකිරීම. IMF පතුරු ගැහුවා. රනිල්ට බැනලා අද ඒ පාරේම රනිල්ගේ අවතාරේ වගේ යන්නේ. තිබ්බ වාහන ටික ගෝල් ෆේස් ගෙනත් ප්‍රදර්ශනයක් තියලා මෝඩ ගැලරිය චූන් කරලා අද අලුත් කැබ් ගන්නේ. ඉදිරි ඡන්දෙදී මේ වගේ ප්‍රතිඵල ලැබේවි..

: 2 16

රනේ Sunday, 16 November 2025 05:44 PM

ඔබ හරි පාරේ යන නිසා.... රට හරි පාරට එන නිසා අපි ඉවසීමෙන් සතුටින් ඉන්නේ...

: 11 4