(අංජුල මහික වීරරත්න)

දිට්වා සුළි කුණාටුවෙන් පීඩාවට පත් ජනතාවට සහන සැලසීමේ රජයේ ‘Rebuilding Sri Lanka’ අරමුදලට ශ්‍රී ලාංකික ඔලිම්පික් ක්‍රීඩක ක්‍රීඩිකාවන් විසින් රුපියල් 582,786 ක මූල්‍ය පරිත්‍යාගයක් සිදු කරනු ලැබීය.

ශ්‍රී ලාංකික ඔලිම්පික් ක්‍රීඩක ක්‍රීඩිකාවන් නියෝජනය කරමින් ශ්‍රියානි කුලවංශ මහත්මිය විසින් ඊට අදාළ චෙක්පත ජනාධිපති මහජන සම්බන්ධතා අධ්‍යක්ෂ ජනරාල් ධර්මසිරි ගමගේ මහතා වෙත බාර දෙන ලද අතර නිම්මි ද සොයිසා, සුනිල් ගුණවර්ධන, නිලූකා, කයිල් අබේසිංහ යන මහත්ම මහත්මීහුද මෙම අවස්ථාවට එක්වූහ.