(අංජුල මහික වීරරත්න)
රට මුහුණ දුන් කාලගුණ ව්යසනය කළමනාකරණය කිරීම සඳහා එක්සත් ජාතික පක්ෂය ආණ්ඩුවට යෝජනා 16ක් ඉදිරිපත් කර තිබේ.
එක්සත් ජාතික පක්ෂ සභාපති වජිර අබේවර්ධන මහතා කොළඹ මල්පාර දේශපාලන කාර්යාලයේ අද (30) පැවැති මාධ්ය හමුවේදී මෙම යෝජනා මාධ්යයට ඉදිරිපත් කළේය.
ග්රාම නිලධාරී වසම් 8000 ක පමණ සිදුවී ඇති විනාශය වෙනුවෙන් ලබාදෙන සහන පිළිබඳ නිවේදනය කිරීම,විනාශ වී ඇති සියලු කර්මාන්ත සඳහා සහන ලබා දෙන මාර්ග තීරණය කර ප්රකාශ කිරීම,විවිධ ව්යාපාරිකයන්ගේ බැංකු ණය සහ ලීසිං මාස 6 ක සහන කාලයකට පොලී රහිතව ලබාදීම,අඩක් හානි වූ නිවාස වලට ගෙවන වන්දි මුදල් තීරණය කිරීම,පූර්ණ හානි වූ නිවාස වලට ලබා දෙන වන්දි වල උපරිමය සහ අවමය පැහැදිලිව තීරණය කිරීම,ජලයෙන් හානි වී ඇති නිවාස වල බිත්ති බැලූ බැල්මට හානියක් නැතත් යථා තත්වයට පත් කිරීම සඳහා නිවසේ වර්ග අඩි ගණන අනුව යම් මුදලක් ලබාදීම,කෘෂිකාර්මික සමස්ත භෝග සඳහා එනම් ගොවි ජනතාව ආරක්ෂා කිරීමේ සහන ලබා දීම,නිවාස සාදා ගැනීම සඳහා වාරි මාර්ග සහ අනෙකුත් අංශ ඒකාබද්ධ කර වැලි පිරී ඇති ස්ථාන වලින් බලපත්ර නැතිව වැලි ලබා ගැනීමට අවසර දීමේ බලය ප්රාදේශීය ලේකම්වරයාට හා ග්රාම නිලධාරීන්ට පැවරීම,එම අලුත්වැඩියා කිරීම් ජනතාව විසින් සිදුකරන විට පොලිසි මගින් උසාවියට ඉදිරිපත් කිරීමෙන් ජනතාව අසීරුතාවට පත්වීම වැලැක්වීම සඳහා වැලි ප්රවාහනය ලිහිල් කිරීම,හානි සිදු වී ඇති දිස්ත්රික්ක සඳහා විදුලිය කඩිනමින් යථාවත් කිරීම, විනාශ වී ඇති කුඹුරු අස්වැද්දීම සඳහා ක්රමවේදයන් සකස් කිරීම සහ පානීය ජල ප්රශ්නයට විසඳුම් ලබා දීම,සියලුම සමෘද්ධිලාභී සහ අස්වැසුම ලබාගන්නා පවුල් සඳහා සහ රජයේ විශ්රාමික අය සඳහා ලබා දෙන දීමනාව මාස කිහිපයක් දෙගුණයක් කර ලබා දීම, හානි සිදු වී ඇති නැති ශ්රී ලංකාවේ සියලු ප්රදේශ සඳහා ඇතිවිය හැකි ආහාර හිඟය සහල්, ලූනු, අල, පරිප්පු හා එළවළු ඇතුළු සියලු ද්රව්යයන් සඳහා කඩිනම් විසඳුම් ලබාදීම සඳහා යෝජනා සකස් කර ගැනීම,සියලුම හානියට පත් රජයේ සේවකයන්ට සහ හානි සිදු වී ඇති ජනතාව වෙනුවෙන් සේවය කරන රාජ්ය නිලධාරීන්ට, විශේෂයෙන් ක්ෂේත්ර නිලධාරීන් සියලු දෙනාට මෙම කාල සීමාවේ පෙර රජයන් විසින් කරන ලද ආකාරයටම විශේෂ දීමනා චක්ර ලේඛන වහාම නිකුත් කිරීම එම යෝජනා වේ.
මෙහිදී අදහස් දක්වමින් වජිර අබේවර්ධන මහතා පැවසූයේ හිටපු ජනාධිපති රනිල් වික්රමසිංහ මහතාට මෙවැනි අවස්ථා කළමනාකරණය කර බොහෝ අත්දැකීම් තිබෙන අතර ඒ සඳහා එතුමාගෙන් සහාය ඉල්ලුවහොත් නොපැකිලිව ඒ සහය ලබාදෙනු ඇති බවයි.
2025 නොවැම්බර් මස 21
220
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
271
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1183
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
අර්බුදය හරිගස්සන්න එජාපෙන් යෝජනා 16ක්