ලොවක් වසඟ කළ සුන්දර ආදර අන්දරයක් වූ Aashiqui 2 චිත්‍රපටය අවසානය ඉතාමත් සුන්දර අවසානයක් නොතිබුණු බැවින් එහි 3 වැනි කොටසක් එනතුරු Aashiqui 2 චිත්‍රපටයේ රසික රසිකාවියන් බොහෝ බලාපොරොත්තු දල්වා සිටියා. ඊට අමතරව මෙහි විශේෂ කාරණාව වන්නේ එහි ප්‍රධාන නළු නිළියන් පිළිබඳව බොහෝ දෙනාගේ අවධානය යොමුව තිබුණා. එම නළු නිළියන් පිළිබඳව බොහෝ කටකතා පැතිරුණත් Aashiqui 3 චිත්‍රපටයේ රඟපාන ප්‍රධාන චරිත දෙක මේ වනවිට නම් කර තිබෙනවා.

ඒ අනුව තිරයේ මෙන්ම සැබෑ ජීවිතයේද සුන්දර පෙම් යුවළක් වෙ=න ආලියා බාත් හා සිද්ධාර්ත් මල්හෝත‍්‍රා Aashiqui 3 චිත්‍රපටයේ ප්‍රධාන චරිත දෙකට තෝරාගෙන ඇතැයි වාර්තා වෙනවා. ඔවුන් දෙදෙනාගේ එක්ව අවසන් වරට රඟපෑ Kapoor And Sons චිත්‍රපටයද සාර්ථක වුණා.