IMG-LOGO

‘වධහිංසකයන්ට උසස්වීම් නෑ’ - පොලිස් කොමිසම කියයි

 

බිඟුන් මේනක ගමගේ සහ තරිඳු ජයවර්ධන 

 

 

පොලිස් වධහිංසාවලට වැරදිකරුවන් වන පොලිස් නිලධාරින්ට උසස්වීම් ලබා නොදීමට ජාතික පොලිස් කොමිසම තීරණය කර ඇත.

 

වධහිංසා සම්බන්ධයෙන් පොලිසියට එල්ල වන චෝදනා සැළකිල්ලට ගෙන මෙම තීන්දුව ගත්තේ යැයි ද එවැනි නිලධාරින්ට කිසිදු බුරුලක් දීමට පොලිස් කොමිසම කටයුතු නොකරන්නේ යැයි ද එහි සභාපති පී.එච් මනතුංග මහතා කීවේය. 

 

පොලිස් නිලධාරින්ට එල්ල වන වධහිංසා, අල්ලස්, දූෂණ වැනි බරපතල අපරාධ චෝදනා වලදී සිදුවීම්වල ඉතිහාසය දැක්වෙන සේ සුපරීක්ෂණ ලැයිස්තුවක් පවත්වාගෙන යමින් එය පසුවිපරම් කිරීමට ද කොමිසම කටයුතු කළ බව මනතුංග මහතා කීවේය.

 

අදාළ නිලධාරින්ට උසස්වීම් ලබාදීමේදී ශිෂ්‍යත්ව ආදී වරප්‍රසාද ලබාදීමේදී මෙම සුපරීක්ෂණ ලැයිස්තුව දර්ශකයක් හැටියට පාවිච්චි කරන්නේ යැයි ද ඔහු පැවැසීය.

 

වධහිංසා සම්බන්ධයෙන් ජාතික දත්ත පද්ධතියක් සකස් කිරීමේ අරමුණෙන් ජාතික පොලිස් කොමිසම වෙනම විමර්ශන ඒකකයක් ද පිහිටු වී යැයි කී හෙතෙම රජය ක්‍රියාත්මක කරන වධහිංසා පිටුදැකීමේ ජාතික ප්‍රතිපත්තිය යටතේ නිකුත් වූ නිර්දේශයක් අනුව මෙම විමර්ශන ඒකකය පිහිටු වී යැයි අවධාරණය කළේය.

 

කොමිසමට පොලිස් බලතල නැති නිසා පොලිසියට චෝදනා එල්ල වන වධහිංසා සිදුවීම්වලදී පොලිස්පතිවරයාට නිර්දේශ නිකුත් කරන්නේ යැයි ද පසුව පොලිස්පතිවරයා නිර්දේශවලට අනුව ක්‍රියාකරන්නේ දැයි කොමිසම පසුවිපරම් කරන්නේ යැයි ද මනතුංග මහතා කීවේය.

 

මෙම නව විමර්ශන ඒකකය මගින් වධහිංසා ගැන ජාතික මට්ටමින් තොරතුරු ඒකරාශි කිරීමත් දෛනික පසුවිපරමත් සිදුවන්නේ යැයි ද ඔහු සඳහන් කළේය. 

 

මීට අමතරව පොලිස් නිලධාරින්ට එරෙහිව එල්ල වන පැමිණිලිවලදී ක්‍රියා කිරීමට පොලිස්පතිවරයා යටතේ පොලිස් විශේෂ විමර්ශන ඒකකය ක්‍රියාත්මක වන්නේ යැයි ද සිදුවීම් වලට අදාළව විමර්ශනයක් පවත්වා චෝදනා පත්‍ර සකසා අධිකරණයට යොමු කිරීම එමගින් සිදුවන්නේ යැයි ද මනතුංග මහතා වැඩිදුරටත් සඳහන් කළේය. 

 



අදහස් (5)

‘වධහිංසකයන්ට උසස්වීම් නෑ’ - පොලිස් කොමිසම කියයි

රවින් Monday, 06 August 2018 10:07 AM

සමහර අයගෙන් තොරතුරු දැනගන්න එක ඔලුව අතගාලා පුළුවන් කියලද හිතන්නේ? විශේෂයෙන් මත් ද්‍රව්‍ය වෙළඳාමේ යෙදෙන්නන්ගෙන්, සමාජ දුෂකයින්ගෙන් , . ක්‍රියාත්මක කලොත් වෙන එකම දේ අපරාද දුෂණ වැඩිවෙන එක. පොලිස්සියේ උදවිය ශේප් වෙලා ඉඳියි. ජනතාව බෙල්ලේ වැලලාගනියි. සිද්දාන්ත කොමිෂන් විතරක් ඉතුරුවෙයි. දියුණු රටවලත් පොලිසිවලට බලය පාවිච්චි කිරීමේ බලතල දීලා තියනවා. විශේෂයෙන් සංක්‍රම්නිකයන්යිගෙන්න් වන හිරි හැර මැඩ පැවැත්වීම සඳහා.

:       0       1

Prabuddha Monday, 06 August 2018 11:18 AM

මොනවද මේ කතා ? වධ හිංසාවලට සම්බන්ධවී ඇත්නම් මොන උසස්වීම් ද.? වහාම හිරගෙට යවන්න.

:       0       0

Mano Monday, 06 August 2018 11:44 AM

අර භාවනා කළේ නැතුවට විදුලි සෝපාන ක්‍රියා කරුට කම්මුල් පාර දුන්න මහත්තයාටත් මේ නීතිය අදාලද?

:       6       3

prabath Monday, 06 August 2018 03:11 PM

ටික දවසකට කලින් යාපනයේ සිසුන් දෙදෙනෙක් බයික් එකෙන් යද්දී පොලිසියෙන් ඝාතනය කළා කියල‍ා මතකද? පොලිසිය එ්කේ රිපෝර්ට් එක හදලා තිබුණු විදිහ සම්පූර්ණයෙන්ම බොරු වුණා. අධිකරණ මරණ පරීක්ෂණයෙන්... ඉතින් ඔවුන් පොලිසියේම කෙනෙකුට විරුද්ධව හදන රිපෝර්ට් ගැන විශ්වාස කරන්නේ කොහොමද?

:       0       3

Chanak Los angeles Monday, 06 August 2018 03:20 PM

එසේනම් අර කිලිනොච්චි භාර පොලිස් නිලධාරියා මිනීමැරුමකට සම්බන්ධව වාර්තා තිබියදී පොලිස් කොමිසම විසින් ඔහුව නියෝජ්‍ය පොලිස්පතිකමකට නිර්දේශය දුන්නේ මන්ද?

:       2       1

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 367 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 915 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1310 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site