(සුජිත් හේවාජූලිගේ සහ අංජුල මහීකවීරරත්න)

පිළිකා කාරක ඇපලටොක්සීන් අඩංගු පොල්තෙල් එක බිඳක් හෝ වෙළෙඳපොළට නිකුත් වී නැතැයි  තමා වගකීමෙන් ප්‍රකාශ කරන බව පොල් සංවර්ධන රාජ්‍ය අමාත්‍ය අරුන්දික ප්‍රනාන්දු මහතා පාර්ලිමේන්තුවේ දී අද පැවැසීය.

පොල්තෙල්වල අඩංගු වන  ඇපලටොක්සීන් කියන විෂ රසායනය පිරිපහදුවේදී ඉවත් වන නමුත් ආන්දෝලනාත්මක පොත්තෙල් තොගයේ ඇපලටොක්සීන් වැඩි ප්‍රතිශතයක් අන්තර්ගතවී  පවතින හෙයින්  පිරිපහදුවේදී ඒවා ඉවත් නොවන බවත් එම තෙල් තොගය ප්‍රතිඅපනයනය කරන්නැයි සෞඛ්‍ය අමාත්‍යංශය රේගු අධ්‍යක්ෂ ජනරාල්වරයාට දැනුම් දි ඇත්තේ ඒ අනුව බවත් රාජ්‍ය අමාත්‍යවරයා කියයි.

ඒ අනුව එම පොල්තෙල් තොගයෙන් එක බිඳක් වෙළෙඳ පොළට නිකුත් වී නැතැයි ද ඔහු කීය.