තවමත් නව යොවුන් වියේ පසුවන ඇය උසස් පෙළ ප්‍රතිඵල අපේක්‍ෂාවෙන් සිටින්නීය. විනෝදාංශයක් ලෙස නිරූපණයට එක්වී ඇති ඇය නමින් ටස්ලා ලිසාරි සේනාධීරය. නිරූපණයට පැමිණීම හා ඇගේ කලා තොරතුරු පැවසීමට අපි මෙලෙසින් එක්කර ගත්තෙමු.

ඔබේ නම කිව්වොත්?

ටස්ලා ලිසාරි සේනාධීර

තාම ඉගෙන ගන්නවාද? රැකියාවක් කරනවාද?

තවම ඉගෙන ගන්නවා.

ඒ කියන්නේ පාසල් යනවාද? නැත්නම් විශ්වවිද්‍යාල සිසුවියක්ද?

උසස් පෙළ ප්‍රතිඵල එනකං බලං ඉන්නවා.

එතකොට නිරූපණය කරන්නේ?

නිරූපණය කරන්නේ මං ඒ ක්ෂේත්‍රයට ආස නිසයි.

ඒ කියන්නේ විනෝදාංශයක් විදිහට?

ඔව්, විනෝදාංශයක් විදිහටයි.

ඒ කියන්නේ කාලයක් ගියහම නිරූපණයෙන් ඈත් වෙනවාද?

අයින් වෙන්න බලාපොරොත්තුවක් නැහැ. හොඳ අවස්ථාවක් හම්බ වුණොත් හොඳ නිරූපිකාවක් වෙන්න බලනවා.

එතකොට රැකියාවක් ලෙස බලාපොරොත්තු වෙන්නේ?

මම දැනට සංචාරක ව්‍යාපාරය පිළිබඳව පාඨමාලාවක් හදාරනවා. මම රැකියාවක් ලෙස සංචාරක ව්‍යාපාරයක් කරන්න තමයි බලාපොරොත්තු වෙන්නේ.

නිරූපණයට එකතු වෙලා කොච්චර කාලයක් වෙනවාද?

මම නිරූපණයට සම්බන්ධ වෙලා මාස 04ක් වගේ වෙනවා.

මේ ෆීල්ඩ් එක හොඳයි කියලා හිතනවාද?

නරකයි කියලා දෙයක් නැහැ. අපි හොඳට හිටියොත් මොන ක්ෂේත්‍රයත් හොඳයි.

ඉදිරි බලාපොරොත්තු කිව්වොත්?

පැජන්ට් එකකට ඉල්ලුම් කරන්න බලාපොරොත්තුවෙන් ඉන්නවා. ඉස්සරහට මියුසික් වීඩියෝ දෙකක් කරන්න බලාපොරොත්තුවෙන් ඉන්නවා.

කවුරුහරි මතක් කරන්න පිරිසක් ඉන්නවාද?

මං මුලින්ම මේ ක්ෂේත්‍රයට ආවේ ජානක බෝපිටිය අංකල් නිසා. එයාව මතක් කරනවා වගේම, මගේ අම්මා තාත්තා මාත් එක්ක මේ දේවල්වලට යන්න එන්න එනවා. ඒ අයවත් මතක් කරනවා. ඒ වගේම මට උදවු කරපු හැමෝටම ස්තූති කරනවා. ඒ වගේම ඔයාලටත් ස්තූති කරනවා මේ වගේ අවස්ථාවක් ලබාදුන්නට.