ඉදිරියේදී නිර්මාණය කිරීමට සැලසුම් කර ඇති %කික්^ දෙවැනි චිත්‍රපටයේ සල්මාන් ඛාන්ට ද්විත්ව චරිත නිරූපණය කිරීමට අවස්ථාව ලැබී ඇතැයි "ඉන්දියන් එක්ස්ප්‍රස්" වෙබ් අඩවිය වාර්තා කරයි. "කික්" චිත්‍රපටයේ තිර පිටපත් රචක සජිද් නඩ්දිල්වාලා මේ වනවිට මෙහි තිර පිටපත රචනා කරමින් සිටින බවටද වාර්තා වෙනවා. චිත්‍රපට අධ්‍යක්ෂවරයාගේ ඉල්ලීමක් මත මෙසේ මෙම තිර පිටපතට ද්විත්ව චරිත එක් කළ බවයි, නඩ්දිල්වාලා මාධ්‍යයට පවසා ඇත්තේ.

කෙසේ වෙතත්, මෙම චිත්‍රපටයේ නිෂ්පාදකවරුන් ගැටලු කිහිපයකට මේ වනවිට මුහුණ දී තිබෙන අතර, ඉන් ප්‍රධානම ගැටලුව වී ඇත්තේ මෙම චිත්‍රපටයේ රූපගත කිරිම් ආරම්භ කිරීමට පෙර සල්මාන් ඔහුගේ සොහොයුරු අර්බාස්ගේ "ඩබාන්ග්" තුන්වැන්නට එක්ව එහි රූපගත කිරීම් කටයුතු සඳහා එක්වෙනවාද යන්නයි. "කික්"දෙවැන්න මෙන්ම "ඩබාන්ග්" තුන්වැන්න ක්‍රියාදාම ලේබලය යටතේ නිර්මාණය වන චිත්‍රපට බව මේ වන විට නම් කර තිබේ.